Mańǵystaý oblysynda tirkegen jumyssyzdardyń 3,5%-y jastar. Bul jóninde óńirlik kommýnikatsiialar qyzmetinde ótken baspasóz máslihatynda oblys ákiminiń orynbasary Sholpan Ilmuhanbetova osylai dep málimdedi.
Óńirde 14 myńnan astam jumyssyz turǵyn bar. Olardyń 500-ge jýyǵy jastar. Alaida, jergilikti bilik bul kórsetkishti azaitý úshin birqatar sharalardy qolǵa aldy. Oblysta jyl basynan beri shamamen 31 myń jumys orny qurylyp, jumyssyzdyq deńgeii 5,1%-dan, 4,9%-ǵa tómendegen. Al, jastar arasyndaǵy jumyssyzdyq 5%-dan, 3,5%-ǵa azaiǵan.
Jastardy qaita oqytyp biliktiligin arttyrýǵa mán berilýde. «Jańa serpin» baǵdarlamasy boiynsha aimaqta 800 jas oqyp, kásiporynǵa jumysqa ornalassa, óndiristik tájiribe boiynsha 173 jasqa joldama berilgen. «Jańa serpin» boiynsha jastar «Kaspii Tasjol», «Kaspioplast», «Arcelormittal», «Ózenqurylysservis», «Qazavtojol» kásiporyndaryna ornalasty. Al, óndiristik tájiribege dánekerleýshi, esepshi, mashinist, elektrik, baǵdarlamashy mamandyqtary boiynsha joldama berildi», - dedi Sholpan Ilmuhanbetova.
Endi biyl 26 myń jańa jumys ornyn ashý josparlanǵan. Ásirese, qurylys, saýda, qyzmet kórsetý salasy men óńdeýshi ónerkásipke jastardy tartý qolǵa alynbaq.
Aita keteiik, baspasóz máslihatynda jumyssyzdar sanatynda ózin-ózi tabyspen qamtyǵandardyń da engenin aityldy. Olardyń qatarynda kóshe satýshylary da bar. Turaqty jumysy bolmasa da tabys tabady. Oblysta osyndai 30 myńnan astam adam anyqtalǵan. «Ózin-ózi qamtyǵan halyqtyń 80%-nyń únemi nemese toqsandyq kirisi bar ekenin anyqtaldy. Endi olardy jeke kásipker retinde salyq organdaryna tirkep, zańdastyrýdy bastaimyz. Iaǵni, olar belgili bir mólsherde salyq tóleý kerek» - dedi Sholpan Ilmuhanbetova.
Sondai-aq, sandyq tehnologiiaǵa kóshken keibir kásiporyndar jumysshylaryn qysqartýdy bastamaq. Al, Sholpan Ilmuhanbetovanyń aitýynsha, mamandar jumyssyz qalmas úshin deńgei-deńgeimen qysqartý týraly kelisim jasalǵan. Osy aralyqta olarǵa basqa salaǵa joldama berý josparlanǵan.
