Foto: © Sputnik / Anatolii Ýstinenko
Úkimettiń 2023 jylǵy 28 jeltoqsandaǵy «Mańǵystaý oblysynyń shekarasyn ózgertý týraly» qaýlysy jariialandy, - dep habarlaidy Kazinform agenttigi.
«Mańǵystaý oblysynyń shekarasy men Kaspii teńizi akvatoriiasynyń bastapqy syzyǵy arasyndaǵy jalpy alańy 721 940,2365 gektar jerdi oblys aýmaǵyna qosý arqyly Mańǵystaý oblysynyń shekarasy ózgertilsin», - delingen qaýlyda.
Óńir ákimdigine tiisti sharalar qabyldaý tapsyrylǵan.
Mańǵystaý oblysyndaǵy aýmaqtyq sýlar (teńiz) eni boiynsha oblys shekarasynan bastap bastapqy syzyqqa deiingi aýmaq, onyń ishinde:
• oblys shekarasynan bastap Aqtaý qalasyndaǵy aýmaqtyq sýlar (teńiz) eni boiynsha bastapqy syzyqqa deiingi aýmaq – 7470,9780 gektar;
• Beineý aýdanyndaǵy aýmaqtyq sýlardyń (teńizdiń) eni boiynsha oblys shekarasynan bastap bastapqy syzyqqa deiingi aýmaq 44403,4302 gektar;
• Qaraqiian aýdanynda oblys shekarasynan aýmaqtyq sýlar (teńiz) eni boiynsha bastapqy syzyqqa deiingi alań 103594,2512 gektar;
• Mańǵystaý oblysyndaǵy aýmaqtyq sýlar (teńiz) eni boiynsha oblys shekarasynan bastap bastapqy syzyqqa deiingi aýmaq 68421,9385 gektar;
• Munaily aýdanyndaǵy oblys shekarasynan aýmaqtyq sýlar (teńiz) eni boiynsha bastapqy syzyqqa deiingi aýmaq 2867,6812 gektar;
• Túpqaraǵan aýdanyndaǵy aýmaqtyq sýlardyń (teńizdiń) eni boiynsha oblys shekarasynan bastap bastapqy anyqtama syzyǵyna deiingi aýmaq 495181,9574 gektardy quraidy.
Qaýly 2024 jyldyń 23 qańtarynan bastap kúshine enedi.
