Mańǵystaý oblysynyń burynǵy ákimi Eraly Toǵjanov Qazaqstannyń kásipodaqtar federatsiiasynyń tóraǵasy bolyp sailandy.
Bul týraly búgin Nur-Sultan qalasynda ótken bas keńestiń otyrysynda belgili boldy.
"Qazaqstan Respýblikasy kásipodaqtar federatsiiasynyń basshysy Baqytjan Ábdiraiym basqa qyzmetke aýysýyna bailanysty ókilettigin toqtatty", - dep habarlady federatsiianyń baspasóz qyzmeti.
Bas keńestiń músheleriniń daýys berýi nátijesinde Eraly Toǵjanov balama negizde QR kásipodaqtar federatsiiasynyń tóraǵasy bolyp sailandy.
Eraly Luqpanuly Toǵjanov 1963 jyly 13 mamyrda Batys Qazaqstan oblysynda týǵan. 1988 jyly E.A.Bóketov atyndaǵy Qaraǵandy memlekettik ýniversitetin bitirdi. 1988 jyldan 1991 jylǵa deiin E.A.Bóketov atyndaǵy Qaraǵandy memlekettik ýniversitetiniń Memleket jáne quqyq teoriiasy men tarihy kafedrasynyń oqytýshysy bolyp qyzmet atqardy. 1991 jyldan 1994 jylǵa deiin - QR Ǵylym akademiiasynyń Memleket jáne quqyq institýtynyń aspiranty. 1994 jyldan 1996 jylǵa deiin - QR Ǵylym akademiiasy Memleket jáne quqyq institýtynyń ǵylymi qyzmetkeri. 1996 jyldan 1997 jylǵa deiin - Qazaq gýmanitarlyq-zań ýniversitetiniń aǵa oqytýshysy, Memlekettik qyzmet jáne halyqaralyq quqyq fakýlteti dekanynyń orynbasary. 1997 jyldan 1999 jylǵa deiin - Qazaq gýmanitarlyq-zań ýniversitetiniń Halyqaralyq quqyq fakýltetiniń dekany. 1999 jyldan 2001 jylǵa deiin Qazaq gýmanitarlyq-zań ýniversitetiniń Astana qalasyndaǵy filialynyń direktory, Quqyq jáne memlekettik qyzmet institýtynyń direktory bolyp qyzmet atqardy. 2001 jyldan 2006 jylǵa deiin - Qaraǵandy oblysy ákiminiń orynbasary. 2006 jyldan 2008 jylǵa deiin Qazaqstan Respýblikasy Ádilet ministrliginiń Din isteri komitetiniń tóraǵasy bolyp qyzmet atqardy.
2008 jyly aqpannan bastap 2017 jyldyń naýryzyna sheiin Qazaqstan Respýblikasy Prezidentiniń ókimimen Qazaqstan halqy Assambleiasy Tóraǵasynyń orynbasary qyzmetin atqardy, Al jyldyń qyrkúieginen bastap QR Prezidenti Ákimshiliginiń Qazaqstan halqy Assambleiasy Hatshylyǵynyń meńgerýshisi bolyp taǵaiyndaldy.
2017 jyly naýryz aiynan 2019 jyldyń maýsym aiyna sheiin Mańǵystaý oblysynyń ákimi qyzmetin atqardy.
Zań ǵylymdarynyń kandidaty. Saiasattaný ǵylymdarynyń doktory. 2007 jyly «Eren eńbegi úshin» medalimen marapattalǵan.
