Prezident Mańǵystaý oblysynyń ákimi Nurlan Noǵaevty qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa Mańǵystaý oblysynyń áleýmettik-ekonomikalyq damýy men biylǵy 7 aida atqarylǵan jumystyń qorytyndylary týraly baiandaldy.
Oblys ákiminiń málimetine sáikes óńirdegi ózekti máseleniń biri - sý qorymen, sonyń ishinde aýyz sýmen qamtamasyz etý. Atap aitqanda "Astrahan - Mańǵyshlaq" sýqubyry arqyly keletin jáne basqa da sý tushytý qorlarynan alynatyn sý mólsheri mamyr aiynan bastap qyrkúiektiń sońyna deiingi aralyqta tutynýshylardyń qajettiligin tolyq ótei almai kelgen.
Nurlan Noǵaev Memleket basshysynyń Mańǵystaý óńirine barǵan saparynda oblystaǵy aýyz sý máselesin sheshý týraly tapsyrmasyna sáikes atqarylǵan jumys nátijelerin jetkizdi. Qazir "Qarajanbas" ken ornynda táýligine 17 myń tekshe metr sý tushytatyn qondyrǵylar iske qosylyp, osy baǵyttaǵy birqatar máseleniń sheshimi tabylǵan. Aqtaý qalasyndaǵy sý tushytý zaýytynda jyl sońyna deiin 20 myń tekshe metr sýdy tazartatyn qondyrǵy iske qosylý kerek bolsa, sonyń 5 myń tekshe metri qazirdiń ózinde tushytylyp berilip jatqany aityldy. Oblys ákiminiń aitýynsha, jeke investitsiialar esebinen taza sý kólemi áli de ulǵaitylady.
Qasym-Jomart Toqaevqa aýylsharýashylyǵy salasyndaǵy oń ózgerister týraly baiandaldy. Mańǵystaý oblysynyń ákiminiń málimetterine qaraǵanda byltyrǵy qýańshylyqtan keiin Úkimet pen jergilikti atqarýshy organnyń birlesip atqarǵan sharalarynyń jáne biyl molynan túsken jaýyn nátijesinde sharýalardyń jem-shóp daiyndaý jumystarynda qiyndyq joq.
Óńir basshysy oblysta otandyq jáne sheteldik týrister sanynyń artqanyn jetkizdi.
Kezdesý sońynda Prezident atalǵan baǵyttar boiynsha jumystardy odan ári jetildirip, oblystaǵy turaqty áleýmettik-ekonomikalyq damýdy qamtamasyz etýdi tapsyrdy.
