Mańǵystaý oblysy Beineý aýdanyndaǵy iri jol apaty videoǵa túsip qaldy, - dep habarlaidy "Lada" portaly.
7 qyrkúiek saǵat 15:10 shamasynda úsh kóliktiń qatysýymen jol-kólik oqiǵasy boldy. Hyundai Sonata markaly avtokóligi baǵdarshamnyń qyzyl belgisine toqtamai, "VAZ 21703" jáne Lexus RX330 kólikterine soqtyǵysqan.
Mańǵystaý oblysynyń politsiia departamenti qyzmetkerleri apattan Lexus júrgizýshisi zardap shekkenin aitty.
"Apat saldarynan Lexus RX330 kóligin basqarǵan 49 jastaǵy áiel aýdandyq aýrýhanada tekserilip, meditsinalyq kómek kórsetilgennen keiin úiine jiberildi. 21 jastaǵy Hyundai Sonata júrgizýshisine Qazaqstan Respýblikasy Qylmystyq kodeksiniń 610-baby 1-bóligi "Kólik quraldary júrgizýshileriniń jol júrisi qaǵidalaryn adamdardyń densaýlyǵyna ziian keltirýge, kólik quraldarynyń nemese ózge de múliktiń búlinýine alyp kelgen buzýshylyǵy" boiynsha ákimshilik hattama toltyryldy. Onyń kóligi aiyp turaǵynda", - dedi vedomstvodaǵylar.
