Búgin oblys ákimi S.Trumovtyń tóraǵalyǵymen apparattyq jiyn ótti, dep habarlaidy "Ult aqparat".
Jiynda jaz mezgilinde oblystyń eldi mekenderin aýyz sýmen qamtamasyz etý baǵytyndaǵy qabyldanatyn sharalar, balyq sharýashylyǵy salasynda iske asyrylatyn jobalar týraly sóz boldy.
Búginde «Kaspii sý tushytý» zaýyty táýligine 20 myń tekshe metr aýyz sý tushytady. Oblys ákiminiń orynbasary N.Aqqulovtyń málimetinshe, biyl zaýyttyń qýatyn 40 myń tekshe metrge deiin arttyrý kózdelip otyr. Onyń 5 myń tekshe metrine aldaǵy maýsym aiynda qol jetkizilmek. Qazir sý tushytý qondyrǵysy salynýda. Joba memlekettik saraptamadan ótip, oń qorytyndy alǵan. Oblys ákimi S.Trumov aldaǵy jazda sý tapshylyǵyn boldyrmaý úshin jobany ýaqytynda júzege asyrýdy qatań tapsyrdy.
Aita keterlik másele, Munaily aýdany men Qaraqiia aýdany «Kaspii sý tushytý» JShS–ne 400 mln teńgedei qaryz. Qos aýdannyń bereshegi merziminde ótelmeitin bolsa, zaýyttyń ary qarai jumys jasaýyna kedergi keltirýi múmkin. Zaýyt basshysy turǵyndardyń ýaqytyly qaryzyn bermei jatqanyn aityp, aýdan ákimderinen máseleni tezirek sheship berýdi surady.
Oblysta halyqqy tirshilik nárimen qamtý maqsatynda birqatar jobalar júzege asyrylyp jatyr. Jýyrda Munaily aýdanyndaǵy Baiandy aýylynda táýligine 1 myń tekshe metr sý tushytý qondyrǵysy qoldanysqa berilgen edi. Aýdanda táýligine qýaty 3 myń tekshe metr sý tushytatyn taǵy bir qondyrǵy salynbaq. Osy jyldyń 16 aqpanynda «Abyroi Grýp» JShS-men kelisim- shart jasaqtalyp, qurylys jumystary bastaldy. Nysandy tapsyrý 2021 jyldyń mamyr aiyna belgilengen.
Aqtaý qalasy men Aqshuqyr jáne S. Shapaǵatov aýyldaryn úzdiksiz sýmen qamtý boiynsha «Aqtaý qalasyndaǵy ortalyq sýmen jabdyqtaý toraby (TsÝVS-4) nysanyn keńeitý» jobasy iske asyrylyp jatyr. Oblys ákimi atalǵan jobany merziminde aiaqtaýdy qatań tapsyryp, jeke baqylaýynda bolatynyn aitty. Óitkeni, bul joba qala turǵyndary úshin kezek kúttirmeitin asa qajetti joba.
Jańaózen qalasynyń halqyn taza sýmen qamtý boiynsha Kendirli kýrorttyq aimaǵynda qýaty táýligine 50 myń tekshe metrlik sý tushytý zaýytyn salý jobasy iske asyrylýda. Sondai-aq, «QazMunaiGaz» AQ Qarajanbas ken ornynda qýaty táýligine 17,0 myń tekshe metrlik sý tushytý zaýytynyń qurylysy júrip jatyr. Aiaqtaý merzimi 2021 jyldyń qazan aiyna deiin belgilengen.
Aimaq basshysy S.Trumov aýyz sý óńir halqy úshin asa ózekti másele bolǵandyqtan osy salaǵa jaýapty azamattarǵa atalǵan jobalardy der kezinde júzege asyrýdy tapsyrdy.
