بٷگٸن وبلىس ەكٸمٸ س.ترۇموۆتىڭ تٶراعالىعىمەن اپپاراتتىق جيىن ٶتتٸ, دەپ حابارلايدى "ۇلت اقپارات".
جيىندا جاز مەزگٸلٸندە وبلىستىڭ ەلدٸ مەكەندەرٸن اۋىز سۋمەن قامتاماسىز ەتۋ باعىتىنداعى قابىلداناتىن شارالار, بالىق شارۋاشىلىعى سالاسىندا ٸسكە اسىرىلاتىن جوبالار تۋرالى سٶز بولدى.
بٷگٸندە «كاسپيي سۋ تۇششىتۋ» زاۋىتى تەۋلٸگٸنە 20 مىڭ تەكشە مەتر اۋىز سۋ تۇششىتادى. وبلىس ەكٸمٸنٸڭ ورىنباسارى ن.اققۇلوۆتىڭ مەلٸمەتٸنشە, بيىل زاۋىتتىڭ قۋاتىن 40 مىڭ تەكشە مەترگە دەيٸن ارتتىرۋ كٶزدەلٸپ وتىر. ونىڭ 5 مىڭ تەكشە مەترٸنە الداعى ماۋسىم ايىندا قول جەتكٸزٸلمەك. قازٸر سۋ تۇششىتۋ قوندىرعىسى سالىنۋدا. جوبا مەملەكەتتٸك ساراپتامادان ٶتٸپ, وڭ قورىتىندى العان. وبلىس ەكٸمٸ س.ترۇموۆ الداعى جازدا سۋ تاپشىلىعىن بولدىرماۋ ٷشٸن جوبانى ۋاقىتىندا جٷزەگە اسىرۋدى قاتاڭ تاپسىردى.
ايتا كەتەرلٸك مەسەلە, مۇنايلى اۋدانى مەن قاراقييا اۋدانى «كاسپيي سۋ تۇششىتۋ» جشس–نە 400 ملن تەڭگەدەي قارىز. قوس اۋداننىڭ بەرەشەگٸ مەرزٸمٸندە ٶتەلمەيتٸن بولسا, زاۋىتتىڭ ارى قاراي جۇمىس جاساۋىنا كەدەرگٸ كەلتٸرۋٸ مٷمكٸن. زاۋىت باسشىسى تۇرعىنداردىڭ ۋاقىتىلى قارىزىن بەرمەي جاتقانىن ايتىپ, اۋدان ەكٸمدەرٸنەن مەسەلەنٸ تەزٸرەك شەشٸپ بەرۋدٸ سۇرادى.
وبلىستا حالىققى تٸرشٸلٸك نەرٸمەن قامتۋ ماقساتىندا بٸرقاتار جوبالار جٷزەگە اسىرىلىپ جاتىر. جۋىردا مۇنايلى اۋدانىنداعى باياندى اۋىلىندا تەۋلٸگٸنە 1 مىڭ تەكشە مەتر سۋ تۇششىتۋ قوندىرعىسى قولدانىسقا بەرٸلگەن ەدٸ. اۋداندا تەۋلٸگٸنە قۋاتى 3 مىڭ تەكشە مەتر سۋ تۇششىتاتىن تاعى بٸر قوندىرعى سالىنباق. وسى جىلدىڭ 16 اقپانىندا «ابىروي گرۋپ» جشس-مەن كەلٸسٸم- شارت جاساقتالىپ, قۇرىلىس جۇمىستارى باستالدى. نىساندى تاپسىرۋ 2021 جىلدىڭ مامىر ايىنا بەلگٸلەنگەن.
اقتاۋ قالاسى مەن اقشۇقىر جەنە س. شاپاعاتوۆ اۋىلدارىن ٷزدٸكسٸز سۋمەن قامتۋ بويىنشا «اقتاۋ قالاسىنداعى ورتالىق سۋمەن جابدىقتاۋ تورابى (تسۋۆس-4) نىسانىن كەڭەيتۋ» جوباسى ٸسكە اسىرىلىپ جاتىر. وبلىس ەكٸمٸ اتالعان جوبانى مەرزٸمٸندە اياقتاۋدى قاتاڭ تاپسىرىپ, جەكە باقىلاۋىندا بولاتىنىن ايتتى. ٶيتكەنٸ, بۇل جوبا قالا تۇرعىندارى ٷشٸن كەزەك كٷتتٸرمەيتٸن اسا قاجەتتٸ جوبا.
جاڭاٶزەن قالاسىنىڭ حالقىن تازا سۋمەن قامتۋ بويىنشا كەندٸرلٸ كۋرورتتىق ايماعىندا قۋاتى تەۋلٸگٸنە 50 مىڭ تەكشە مەترلٸك سۋ تۇششىتۋ زاۋىتىن سالۋ جوباسى ٸسكە اسىرىلۋدا. سونداي-اق, «قازمۇنايگاز» اق قاراجانباس كەن ورنىندا قۋاتى تەۋلٸگٸنە 17,0 مىڭ تەكشە مەترلٸك سۋ تۇششىتۋ زاۋىتىنىڭ قۇرىلىسى جٷرٸپ جاتىر. اياقتاۋ مەرزٸمٸ 2021 جىلدىڭ قازان ايىنا دەيٸن بەلگٸلەنگەن.
ايماق باسشىسى س.ترۇموۆ اۋىز سۋ ٶڭٸر حالقى ٷشٸن اسا ٶزەكتٸ مەسەلە بولعاندىقتان وسى سالاعا جاۋاپتى ازاماتتارعا اتالعان جوبالاردى دەر كەزٸندە جٷزەگە اسىرۋدى تاپسىردى.
