Foto: ashyq derekkóz
Mańǵystaý oblysynda 10 adamnyń ómirin qiǵan qaiǵyly jol-kólik oqiǵasyna bailanysty jedel shtab quryldy. Shtab táýlik boiy jumys isteidi, dep habarlaidy Ult.kz.
«Ministr qylmystyq istiń tergeý barysyn óz baqylaýyna aldy. Qazirgi ýaqytta tergeý aiasynda júrgizýshiniń is-qimyly, kóliktiń tehnikalyq jaǵdaiy, marshrýt jáne tasymaldaý sharttary tekserilýde», - dedi IIM resmi ókili Shyńǵys Alekeshev.
Anyqtalǵandai, jolaýshylar Beket Ataǵa saparǵa shyqqan. Barlyǵy - Qazaqstan azamattary, ártúrli óńirden kelgen. Zardap shekkender aýrýhanaǵa jetkizildi, olarǵa barlyq qajetti meditsinalyq kómek kórsetilýde.
Qaza tapqandar men zardap shekkenderdiń otbasyna keshendi kómek uiymdastyrylýda.
Sondai-aq ministrlik barlyq júrgizýshi men tasymaldaýdy uiymdastyrýshylarǵa jolda qaýipti jaǵdai týdyrmaý úshin sharshaǵan kúide rólge otyrmaýdy, kólikke artyq júk salmaýdy eskertti.
