Mańǵystaý oblysynda er adam balalarymen birge ózine qol jumsaǵan, - dep habarlaidy "Ult aqparat" Polisia.kz Telegram arnasyna silteme jasap.
Portal málimetinshe, 11 jeltoqsan saǵat 19.45 shamasynda Munaily aýdanynyń politsiia bólimine Munaily aýdanynda asylyp ólý belgileri bar 4 máiit tabyldy degen habarlama túsken.
"Bul shaqyrýǵa jedel-tergeý toby bardy. Ózdigimen asylyp ólgen 38 jastaǵy er adam, sondai-aq 8 jastaǵy, 4 jastaǵy jáne 10 ailyq balalar anyqtaldy.
Tekserý barysynda B. esimdi azamatpen jiberilgen aýdiojazba anyqtaldy. Ol jubaiy D. esimdi áielge óletinin jáne balalaryn ózimen birge alyp ketetinin aitqan", - delingen habarlamada.
Bul oqiǵa otbasylyq janjal negizinde bolǵany jáne olardyń ajyrasqaly jatqany belgili boldy. Erli-zaiyptynyń ekeýiniń de turaqty jumys oryndary bolǵan.
Bul derek QR Qylmystyq kodeksiniń 99-baby 2-bóligi boiynsha Munaily aýdanynyń PB sotaldy tergep-tekserýdiń biryńǵai tizilimine tirkelgen. Tergeý múddesi úshin ózge aqparat jariia etilmeitini habarlandy.
