Mańǵystaý oblysynda Munaily aýdanynyń Batyr aýylynda bútin bir otbasy gazdan ýlanyp qaldy. Úsh bala men olardyń anasy qaza boldy, otaǵasy men taǵy bir bala aýrýhanaǵa jetkizildi, dep habarlaidy "Ult aqparat".
Oqiǵa keshe, 13 aqpan kúni Astana-2 kóshesindegi úide bolǵan.
Oblystyq Densaýlyq saqtaý basqarmasy baspasóz qyzmetiniń málimetinshe, jedel-járdem qyzmetine habarlama saǵat 17.42-de túsken.
«Oqiǵa ornyna 3 jedel-járdem brigadasy jiberildi. Olarǵa «gazdan ýlaný» diagnozy qoiyldy. Anasy 39 jasta, balalar 14, 13 jáne 2 jasta. Ókinishke qarai, jedel-járdem qyzmeti barǵanda olar kóz jumǵany anyqtaldy», - delingen aqparatta.
43 jastaǵy otaǵasy men men 9 jastaǵy bala oblystyq aýrýhanaǵa jetkizilgen.
«Er adam jansaqtaý bóliminde jatyr. Jaǵdaiy qazir aýyr halde. Mańǵystaý oblystyq kópbeiindi balalar aýrýhanasyna jatqyzylǵan 2011 jylǵy ulynyń jaǵdaiy turaqty aýyr, asqynýlar joq. Esi anyq, gemodinamikalyq kórsetkishteri turaqty», - dedi Densaýlyq saqtaý basqarmasynan.
