Mańǵystaý oblysyn damytýdyń ózektilendirilgen keshendi jospary jalpy qarjylandyrý kólemi 2,1 trln teńgeni quraityn 226 is-sharadan turady. Bul týraly Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
«Mańǵystaý oblysyn damytýdyń ózektilendirilgen keshendi jospary jalpy qarjylandyrý kólemi 2,1 trln teńgeni quraityn 226 is-sharadan turady, onyń ishinde respýblikalyq biýdjet – 375,2 mlrd teńge, jergilikti biýdjet – 117,9 mlrd teńge, jeke investitsiialar - 1,6 trln teńge. Ónerkásip salasynda «Dýnga» ken ornyn igerýdiń 3-fazasyn iske asyrý, Aqtaý qalasynda munai-himiia keshenin salý jáne basqa da is-sharalar josparlanǵan. Agroónerkásiptik kesheni salalarynda 25 investitsiialyq jobany iske asyrý jáne balyq sharýashylyǵy óniminiń ónimdiligi men sapasyn arttyrýdy sýbsidiialaý, sondai-aq asyl tuqymdy balyq sharýashylyǵyn damytý josparlanýda», - dedi Á. Qýantyrov.
Onyń aitýynsha, týrizm salasynda 14 nysannyń qurylysy kózdelgen.
Sonymen qatar, 1059 shaqyrym jergilikti mańyzy bar avtojol, 87,9 shaqyrym elektr jelisin, 116 shaqyrym jylý jelisin salý ári jóndeý, sondai-aq tushylandyrý zaýyttary men qondyrǵylarynyń 9 jobasyn salý josparlanyp otyr.
«Áleýmettik salany damytý aiasynda aýdandyq ortalyq aýrýhana, 24 mektep jáne 11 japsarlas qurylys salý, 5 kolledjdi jabdyqtarmen jaraqtandyrý jáne taǵy basqalary qarastyrylǵan. Júrgizilgen jumystardyń nátijesinde Mańǵystaý oblysynda ónerkásip kólemi 28%-ǵa, týrister aǵyny 4,6 esege artady, jaqsy jáne qanaǵattanarlyq jaǵdaidaǵy joldardyń úlesi 100%-ǵa jetedi, sondai-aq 4 mln sharshy metr turǵyn úi paidalanýǵa beriledi», - dedi ministr.
