Mańǵystaý oblysynda sońǵy bir aptada koronavirýs juqtyrǵandar tirkelgen joq. Bul týraly oblystyń qoǵamdyq kommýnikatsiia ortalyǵynda ótken brifingte Mańǵystaý oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Ǵaziz Nadýev málim etti.
«Sońǵy 7 kúnde koronovirýs juqtyrý jaǵdaiy tirkelgen joq. 27 naýryz ben 7 qyrkúiek aralyǵynda COVID-19 virýsyn juqtyrǵan 3334 adam tirkeldi. Onyń ishinde 1140-da virýstyń belgileri bar, 2194-niń belgileri joq. Oblysta koronavirýstyń belgisi bar túrin juqtyrǵan 1140 naýqas tirkelgen bolsa, Aqtaý qalasy – 467, Jańaózen - 157, Túpqaraǵan - 38, Qaraqiia – 74, Mańǵystaý – 41, Munaily – 165, Beineýde 198 boldy», - dedi Ǵ.Nadýev.
Ol keltirgen málimetterge qaraǵanda, oblysta virýs juqtyrǵandardyń ishinde 74-i meditsina qyzmetkerleri.
«Infektsiia juqtyrǵandardyń ishinde meditsina qyzmetkerleri - 74, múgedekter - 9, jumyssyzdar - 283, oqýshylar - 42, uiymdaspaǵan balalar - 33, zeinetkerler - 261, áskeri bólimderden - 18, ken ornyndaǵy Kaspian Fýd tamaqtandyrý mekemesinen – 9, áskerge shaqyrylǵandardan - 4, Teńiz shevrOil qyzmetkerleri - 35, óndiristik mekemede - 129, memlekettik qyzmetkerler – 24, stýdentter - 21, taǵy basqalar - 165, bala-baqsha qyzmetkerleri men muǵalimder - 23, ishki ister qyzmetkerleri - 10», - dedi ol.
Búginde oblysyta PTR tásilimen test alatyn barlyǵy 5 memlekettik jáne jekemenshik zerthana bar. Onda búginge deiin 107581 adam tekserilip, onyń 3334 oń nátije berdi. Aimaqtaǵy ulttyq saraptama ortalyǵynda búgingi tańda 9811 test synamasy bar.
Aita keteiik, 17-shi tamyzdan bastap kezeń-kezeńimen nysandardyń ashylýyna bailanysty 5020 nysan jumysyn qaita bastady.
