ماڭعىستاۋ وبلىسىندا سوڭعى بٸر اپتادا كوروناۆيرۋس جۇقتىرعاندار تٸركەلگەن جوق. بۇل تۋرالى وبلىستىڭ قوعامدىق كوممۋنيكاتسييا ورتالىعىندا ٶتكەن بريفينگتە ماڭعىستاۋ وبلىسىنىڭ تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى عازيز نادۋەۆ مەلٸم ەتتٸ.
«سوڭعى 7 كٷندە كورونوۆيرۋس جۇقتىرۋ جاعدايى تٸركەلگەن جوق. 27 ناۋرىز بەن 7 قىركٷيەك ارالىعىندا COVID-19 ۆيرۋسىن جۇقتىرعان 3334 ادام تٸركەلدٸ. ونىڭ ٸشٸندە 1140-دا ۆيرۋستىڭ بەلگٸلەرٸ بار, 2194-نٸڭ بەلگٸلەرٸ جوق. وبلىستا كوروناۆيرۋستىڭ بەلگٸسٸ بار تٷرٸن جۇقتىرعان 1140 ناۋقاس تٸركەلگەن بولسا, اقتاۋ قالاسى – 467, جاڭاٶزەن - 157, تٷپقاراعان - 38, قاراقييا – 74, ماڭعىستاۋ – 41, مۇنايلى – 165, بەينەۋدە 198 بولدى», - دەدٸ ع.نادۋەۆ.
ول كەلتٸرگەن مەلٸمەتتەرگە قاراعاندا, وبلىستا ۆيرۋس جۇقتىرعانداردىڭ ٸشٸندە 74-ٸ مەديتسينا قىزمەتكەرلەرٸ.
«ينفەكتسييا جۇقتىرعانداردىڭ ٸشٸندە مەديتسينا قىزمەتكەرلەرٸ - 74, مٷگەدەكتەر - 9, جۇمىسسىزدار - 283, وقۋشىلار - 42, ۇيىمداسپاعان بالالار - 33, زەينەتكەرلەر - 261, ەسكەري بٶلٸمدەردەن - 18, كەن ورنىنداعى كاسپيان فۋد تاماقتاندىرۋ مەكەمەسٸنەن – 9, ەسكەرگە شاقىرىلعانداردان - 4, تەڭٸز شەۆرويل قىزمەتكەرلەرٸ - 35, ٶندٸرٸستٸك مەكەمەدە - 129, مەملەكەتتٸك قىزمەتكەرلەر – 24, ستۋدەنتتەر - 21, تاعى باسقالار - 165, بالا-باقشا قىزمەتكەرلەرٸ مەن مۇعالٸمدەر - 23, ٸشكٸ ٸستەر قىزمەتكەرلەرٸ - 10», - دەدٸ ول.
بٷگٸندە وبلىسىتا پتر تەسٸلٸمەن تەست الاتىن بارلىعى 5 مەملەكەتتٸك جەنە جەكەمەنشٸك زەرتحانا بار. وندا بٷگٸنگە دەيٸن 107581 ادام تەكسەرٸلٸپ, ونىڭ 3334 وڭ نەتيجە بەردٸ. ايماقتاعى ۇلتتىق ساراپتاما ورتالىعىندا بٷگٸنگٸ تاڭدا 9811 تەست سىناماسى بار.
ايتا كەتەيٸك, 17-شٸ تامىزدان باستاپ كەزەڭ-كەزەڭٸمەن نىسانداردىڭ اشىلۋىنا بايلانىستى 5020 نىسان جۇمىسىن قايتا باستادى.
