Mańǵystaý oblysynda munai qaldyqtarymen lastanǵan 10 poligon tolyqtai tazartyldy. QR Ekologiia, geologiia jáne tabiǵi resýrstar ministri Maǵzum Myrzaǵaliev Twitter-degi paraqshasynda osylai jazdy, dep habarlaidy "Ult aqparat".
«Ekologiialyq mańyzy zor jumysty Ministrlik men «QazMunaiGaz «UK» AQ arasyndaǵy Qorshaǵan ortany qorǵaý salasyndaǵy yntymaqtastyq týraly memorandým aiasyndaǵy júzege asyrdyq. Keńes kezeńinen beri munda munai qaldyqtarymen lastanǵan jerler 47 gektarǵa jetkenin atap ótýimiz kerek. Kompaniia sonyń ázirge 6 gektaryn, iaǵni 350 myń tonna topyraqty tazartty», dep jazdy Maǵzum Myrzaǵaliev .
Onyń aitýynsha, endi topyraǵy qaita óńdelgen aýmaq memlekettik baqylaý organdarynyń qaraýynda bolady. «Qazmunaigaz» 2024 jylǵa deiin munaimen búlingen jerlerdi tolyq qalpyna keltirip berýge ýáde etip otyr.
«Mańǵystaý oblysy - elimizdegi ekologiia men qorshaǵan ortany qorǵaý máseleleri ótkir turǵan óńirlerdiń biri. Sondyqtan ekologiia ministrligi tabiǵat paidalanýshylardyń jaýapkershiligin arttyryp, jergilikti halyqpen tyǵyz bailanystaǵy jumysty jalǵastyra beredi», - dedi ministr.
