ماڭعىستاۋ وبلىسىندا مۇناي قالدىقتارىمەن لاستانعان 10 پوليگون تولىقتاي تازارتىلدى. قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ Twitter-دەگٸ پاراقشاسىندا وسىلاي جازدى, دەپ حابارلايدى "ۇلت اقپارات".
«ەكولوگييالىق ماڭىزى زور جۇمىستى مينيسترلٸك مەن «قازمۇنايگاز «ۇك» اق اراسىنداعى قورشاعان ورتانى قورعاۋ سالاسىنداعى ىنتىماقتاستىق تۋرالى مەموراندۋم اياسىنداعى جٷزەگە اسىردىق. كەڭەس كەزەڭٸنەن بەرٸ مۇندا مۇناي قالدىقتارىمەن لاستانعان جەرلەر 47 گەكتارعا جەتكەنٸن اتاپ ٶتۋٸمٸز كەرەك. كومپانييا سونىڭ ەزٸرگە 6 گەكتارىن, ياعني 350 مىڭ توننا توپىراقتى تازارتتى», دەپ جازدى ماعزۇم مىرزاعاليەۆ .
ونىڭ ايتۋىنشا, ەندٸ توپىراعى قايتا ٶڭدەلگەن اۋماق مەملەكەتتٸك باقىلاۋ ورگاندارىنىڭ قاراۋىندا بولادى. «قازمۇنايگاز» 2024 جىلعا دەيٸن مۇنايمەن بٷلٸنگەن جەرلەردٸ تولىق قالپىنا كەلتٸرٸپ بەرۋگە ۋەدە ەتٸپ وتىر.
«ماڭعىستاۋ وبلىسى - ەلٸمٸزدەگٸ ەكولوگييا مەن قورشاعان ورتانى قورعاۋ مەسەلەلەرٸ ٶتكٸر تۇرعان ٶڭٸرلەردٸڭ بٸرٸ. سوندىقتان ەكولوگييا مينيسترلٸگٸ تابيعات پايدالانۋشىلاردىڭ جاۋاپكەرشٸلٸگٸن ارتتىرىپ, جەرگٸلٸكتٸ حالىقپەن تىعىز بايلانىستاعى جۇمىستى جالعاستىرا بەرەدٸ», - دەدٸ مينيستر.
