© lada.kz
Mańǵystaý oblysyndaǵy Aqshuqyr aýylyndaǵy mektep-gimnaziiada birinshi synyp oqýshysynyń anasy mektep dálizinde júgirip bara jatqan qyzdy muǵalimniń eki ret shapalaqpen urǵany kórsetilgen videony usyndy, - dep habarlaidy Tengrinews.kz agenttigi "Lada" saityna silteme jasap.
Áiel adamnyń aitýynsha, oqiǵa 11 sáýirde bolǵan. Mektepte bolǵan oqiǵa boiynsha tek 3 mamyrda direktordan jáne jergilikti bilim berý sapasyn qamtamasyz etý departamentinen jaýap alǵan.
Direktordyń aitýynsha, "muǵalim oqýshyny urmaǵan, tek júgirmesin dep ustap turǵan".
Jergilikti Bilim berý sapasyn qamtamasyz etý departamenti jaýabynda 12 sáýirde muǵalimge qatań sógis jariialanǵany aitylǵan. Al 14 sáýirde muǵalim jumysynan bosatylǵan. Qandai bap boiynsha ketkeni belgisiz.
Oqýshynyń anasynyń sózinshe, muǵalim áiel adammen, direktormen jáne muǵalimdermen sóileskeninde sol kúni kóńil kúii bolmaǵanyn aitqan. Biraq keshirim suramaǵan.
Birinshi synyp oqýshysynyń anasy bul oqiǵadan keiin muǵalim 12, 13 sáýirde jumysqa shyqqanyn aitady. Al 14 sáýirde óz qalaýymen jumystan ketken.
Endi oqýshynyń anasy Bilim ministrligine shaǵymdanbaq.
