Mańǵystaý oblysynda áskeri politsiia basyna oq tigen sarbazdyń isi boiynsha tergeýdi bastady, dep habarlaidy "Ult aqparat" Ulttyq ulanǵa silteme jasap.
QR Qylmystyq Kodeksiniń 462-baby 1-bóligi (abaisyzda adam densaýlyǵyna aýyr nemese aýyrlyǵy ortasha ziian keltirýge ákep soqqan qarýdy ustaý qaǵidalaryn buzý) boiynsha tergeý júrip jatyr,
6656 jáne 3502 áskeri bólimderiniń áskeri politsiia bólimshesiniń bastyǵy Liýbov Podkovyrovanyń málimetinshe, oqiǵanyń aq-qarasyn anyqtaý maqsatynda jedel tergeý toby qurylǵan.
«Jedel tergeý toby quryldy. Oǵan áskeri tergeý basqarmasy, Qorǵanys ministrliginiń áskeri poltsiiasy jáne Ulttyq ulannyń áskeri politsiiasy engen. Qylmystyq is júrgizý zańnamasynyń 201-babyna sáikes, tergeý múddesine orai barlyq málimetti jariia ete almaimyn. Biraq kinálilerdi anyqtaý jáne olardy jaýapqa tartý maqsatynda jan-jaqty, tolyq jáne obektivti tergeýdi qamtamasyz etý úshin barlyq múmkin áreketter jasalyp jatqanyn atap ótemin», - dedi Liýbov Podkovyrova.
