Foto: Lada.kz
Mańǵystaý oblysynda 60-qa jýyq oqýshy ýlanǵany týraly habarlandy, dep jazady Lada.kz.
«6 qyrkúiek keshinen bastap jedel járdemge №8 mekteptiń 21 oqýshysynyń ata-anasy ishtiń aýyrýy, dene qyzýynyń kóterilýi syndy belgilermen shaǵymdandy. 13:15-tegi jaǵdai boiynsha meditsinalyq kómekke 58 bala júgindi. Klinikada 26 bala em qabyldaýda, 27 bala úide baqylaýda, al beseýi aýrýhanada jatyr», — dep málimdedi Mańǵystaý oblystyq densaýlyq saqtaý basqarmasy.
Besshoqy aýylyndaǵy birinshi synyp oqýshysynyń týystarynyń aitýynsha, №8 mekteptiń 1-4 synyp oqýshylary jappai ashanadan ýlanǵan.
«Qaryndasym mektepten sharshap kelip, uiyqtaǵysy keletinin aitty. Keshke oianǵanda, júregi ainyp, qyzýy 39,2-ge deiin kóterildi. Biz ony Mańǵystaý aýylyndaǵy aýrýhanaǵa ózimiz apardyq», — deidi qyzdyń aǵasy.
Zardap shekken oqýshylardyń týystarynyń aitýynsha, Besshoqy aýylyndaǵy aýrýhana lyq toly, úlken kezek paida bolǵan. Olardyń aitýynsha, sol jerde 50-den astam bala bar. Mańǵystaý aýylyndaǵy emdeý mekemesinde 35-40 oqýshy bolǵan.
«Balalaryn Mańǵystaý oblystyq balalar aýrýhanasyna aparǵandar da bar», — delingen habarlamada.
Qazirgi ýaqytta zardap shekkender sany áli de kóbeiip jatqany aitylady.
