فوتو: Lada.kz
ماڭعىستاۋ وبلىسىندا 60-قا جۋىق وقۋشى ۋلانعانى تۋرالى حابارلاندى, دەپ جازادى Lada.kz.
«6 قىركٷيەك كەشٸنەن باستاپ جەدەل جەردەمگە №8 مەكتەپتٸڭ 21 وقۋشىسىنىڭ اتا-اناسى ٸشتٸڭ اۋىرۋى, دەنە قىزۋىنىڭ كٶتەرٸلۋٸ سىندى بەلگٸلەرمەن شاعىمداندى. 13:15-تەگٸ جاعداي بويىنشا مەديتسينالىق كٶمەككە 58 بالا جٷگٸندٸ. كلينيكادا 26 بالا ەم قابىلداۋدا, 27 بالا ٷيدە باقىلاۋدا, ال بەسەۋٸ اۋرۋحانادا جاتىر», — دەپ مەلٸمدەدٸ ماڭعىستاۋ وبلىستىق دەنساۋلىق ساقتاۋ باسقارماسى.
بەسشوقى اۋىلىنداعى بٸرٸنشٸ سىنىپ وقۋشىسىنىڭ تۋىستارىنىڭ ايتۋىنشا, №8 مەكتەپتٸڭ 1-4 سىنىپ وقۋشىلارى جاپپاي اسحانادان ۋلانعان.
«قارىنداسىم مەكتەپتەن شارشاپ كەلٸپ, ۇيىقتاعىسى كەلەتٸنٸن ايتتى. كەشكە ويانعاندا, جٷرەگٸ اينىپ, قىزۋى 39,2-گە دەيٸن كٶتەرٸلدٸ. بٸز ونى ماڭعىستاۋ اۋىلىنداعى اۋرۋحاناعا ٶزٸمٸز اپاردىق», — دەيدٸ قىزدىڭ اعاسى.
زارداپ شەككەن وقۋشىلاردىڭ تۋىستارىنىڭ ايتۋىنشا, بەسشوقى اۋىلىنداعى اۋرۋحانا لىق تولى, ٷلكەن كەزەك پايدا بولعان. ولاردىڭ ايتۋىنشا, سول جەردە 50-دەن استام بالا بار. ماڭعىستاۋ اۋىلىنداعى ەمدەۋ مەكەمەسٸندە 35-40 وقۋشى بولعان.
«بالالارىن ماڭعىستاۋ وبلىستىق بالالار اۋرۋحاناسىنا اپارعاندار دا بار», — دەلٸنگەن حابارلامادا.
قازٸرگٸ ۋاقىتتا زارداپ شەككەندەر سانى ەلٸ دە كٶبەيٸپ جاتقانى ايتىلادى.
