Mańǵystaý oblysy densaýlyq saqtaý basqarmasynyń basshysy Ánýar Saǵymbaev densaýlyǵyna bailanysty óz erkimen qyzmetinen ketti, - dep habarlaidy QazAqparat.
Basqarma basshysynyń mindetin ýaqytsha atqarý orynbasary Lázzat Esenǵalievaǵa júkteldi.
Bul týraly oblys ákiminiń baspasóz hatshysy Facebook paraqshasynda habarlady.
Aita keteiik, Ánýar Álimjanuly bul laýazymǵa 2019 jyly 26 tamyzda taǵaiyndalǵan bolatyn.
Ánýar Saǵymbaev 1972 jyly týǵan. Bilimi – joǵary. Ol 1995 jyly Aqtóbe memlekettik meditsina institýtynda (Batys Qazaqstan meditsina akademiiasy) «emdeý isi» jáne «kásiporyndaǵy ekonomika jáne basqarý» mamandyqtary boiynsha bilim alǵan. 1995 jyly Mańǵystaý oblystyq aýrýhanada dáriger-ýrolog qyzmetin atqardy. 1996 – 1999 jyldary Qazaq taǵamtaný akademiaiasynyń aspiranty boldy. 2002 – 2003 jyldary aralyǵynda Aqtaýda «Meiirbike» meditsinalyq kolledjinde direktordyń orynbasary qyzmetin atqardy.
2003 – 2005 jyldary QR Densaýlyq saqtaý ministrliginiń meditsina qyzmetin taldaý jáne boljaý ulttyq ortanyń direktory qyzmetin atqardy. 2006 jyly Aýrýhana menedjmenti boiynsha Germaniiada bilim alǵan.
Meditsina ǵylymdarynyń kandidaty. 2007 jyly «Densaýlyq saqtaý salasynyń úzdigi» ataǵynyń iesi atandy.
Buǵan deiin oblystyq densaýlyq saqtaý basqarmasy basshysynyń orynbasary qyzmetin atqardy.
