Foto: Bahytjan Batyrhanýly/Samrýk-Kazyna
Energetika ministri Almasadam Sátqaliev "Mańǵystaý atom energokombinaty" JShS jumysshylarynyń narazylyǵyna qatysty túsinikteme berdi, dep habarlaidy Sputnik Qazaqstan.
Ministr elektr energetikasy júiesinde biraz jyldan beri aitarlyqtai kúrdeli jaǵdai qalyptasqanyn moiyndady. Aitýynsha, tarifti bir deńgeide ustap turady, jabdyqtar 91 paiyzǵa tozǵan. Tarifti ustap turý saiasatynan óndiristik personaldyń jalaqysy uzaq ýaqyt boiy óspegen.
"Energetikada óndiristik personaldyń ortasha jalaqysy 150-200 myń teńge shamasynda. Árine, biz olardyń jumysy aýyr ekenin túsinemiz. Energokegen kúndiz túni jumys isteidi. Apat bolýy múmkin, óndiris kezinde jaraqat alý qateri bar. Sol sebepti atalǵan jaǵdai baqylaýda. Biz MAEK, basqa da kásiporyndardyń óndiristik personaly laiyqty jalaqy alýy kerek ekenin túsinemiz", - dedi Sátqaliev Úkimet kýlýarynda.
Aitýynsha, qazir investitsiialyq baǵdarlamalardyń bir bóligin respýblikalyq biýdjet esebinen qarjylandyrý kózdelip otyr. Sondai-aq kompaniianyń menshik ielerinen investitsiia quiýdy suraǵan.
"Óndiristik personaldyń jalaqysyn kóterýge jumsalatyn shyǵyndar smetaǵa qosylý kerek. Biz bul baǵytta jumys istep jatyrmyz", - dedi ministr.
Eske salsaq, sáýir aiynyń ortasynda "MAEK" JShS jumysshylary prezidentke beineúndeý jasady. Olar kásiporyn únemi isten shyǵatynyn, sonyń kesirinen qyzmetkerler kúndiz-túni apatty jaǵdaida jáne az jalaqyǵa jumys isteýge májbúr ekenin málimdedi.
Jumysshylardyń aitýynsha, qalyptasqan jaǵdaidan búkil óńir halqy zardap shegýi múmkin.
