Foto: © Sputnik / Anatolii ÝSTINENKO
"Mańǵystaý atom energetikalyq kombinatynda" ("MAEK") apat bolyp, eki energoblok jumysyn toqtatty, dep habarlaidy Sputnik Qazaqstan jergilikti Lada.kz portalyna silteme jasap.
Qala turǵyndary áleýmettik jelide "QazAzot" kásiporny aýdanyn sary tuman basyp ketkenin jazdy.
Atom eneregetika kompaniiasynda bolǵan apattan "QazAzot" zaýytynyń jumysy toqtady. Kásiporynda óndiristiń tehnologiialyq rejimi isten shyqqan.
Kásiporynnyń baspasóz qyzmetiniń málimetinshe, zaýyt qyzmetkerleriniń densaýlyǵy men turǵyndarǵa qaýip tóngen joq. Óndiristi iske qosý kerneý qalpyna keltirilgennen keiin birden bastalady.
Energokombinattyń baspasóz qyzmeti avariialyq ajyratý týraly aqparatty rastady.
"1 mamyrda saǵat 12:28-de "MAEK" JShS JES stantsiiasynda bas mai sorǵysynyń aqaýyna bailanysty 3 energiia blogy ajyratyldy. Saǵat 16:38-de generatordy engizý izoliatorynyń buzylýyna bailanysty generatordyń jer qorǵanysynan 2 energiia blogy ajyratyldy", - deidi baspasóz qyzmeti ókilderi.
2 mamyrda Mańǵystaý oblysy boiynsha elektr energiiasyn shekteý munai sektoryn tutynýshylar úshin 52,5 MVt quramaq: "Ózenmunaigaz" - 37,5 MVt; "BýzachiOpereiting" - 8,2 MVt; "Qarajanbasmunai" - 2,8 MVt; "Mańǵystaýmunaigaz" - 4 MVt.
"Qazirgi ýaqytta ekinshi energobloktyń jumys rejimin qalpyna keltirý jumystary júrip jatyr. Oblys turǵyndaryn elektrmen jáne sýmen jabdyqtaýǵa eshqandai shekteýler joq", dep sendirdi "MAEK".
