Ǵalymjan Niiazov
Mańǵystaý oblysy ákiminiń orynbasary Ǵalymjan Niiazovty úiqamaqta ustaý merzimi 24 maýsymǵa deiin uzardy. Bul týraly Mańǵystaý oblystyq sotynyń baspasóz qyzmeti ókili aitty, - dep habarlaidy Tengrinews.kz agenttigi lada.kz saityna silteme jasap.
Oblys ákimdiginde Niiazovtyń jumystan shettetilgeni týraly qaýeset taraǵan bolatyn.
"25 mamyrdan bastap Ǵalymjan Niiazov jumysta joq, anyq-qanyǵyn quqyq qorǵaý organdarynan bile alasyzdar", - dedi Mańǵystaý oblysy ákimdigi ókili.
Sotta Niiazovty úiqamaqta ustaý merzimi uzarǵany aityldy.
"Aqtaý mamandandyrylǵan tergeý sotynyń qaýlysymen Mańǵystaý oblysy ákiminiń orynbasary Ǵalymjan Niiazovqa qatysty úiqamaq túrindegi bultartpaý sharasy 2022 jylǵy 24 mamyrdan 24 maýsymǵa deiin uzardy", - delingen habarlamada.
Aita keteiik, Ǵalymjan Niiazov Aqtaý qalalyq mamandandyrylǵan tergeý sotynyń 17 sáýirdegi, 27 sáýirdegi jáne 17 mamyrdaǵy zańdy kúshine engen qaýlylary boiynsha 24 mamyrda jumysqa oralǵan edi. Sonymen qatar, ákim orynbasarynyń laýazymynda qalýy sot sheshimine bailanysty ekeni aityldy. Ol bir aptadan keiin ózgerdi.
