عالىمجان نييازوۆ
ماڭعىستاۋ وبلىسى ەكٸمٸنٸڭ ورىنباسارى عالىمجان نييازوۆتى ٷيقاماقتا ۇستاۋ مەرزٸمٸ 24 ماۋسىمعا دەيٸن ۇزاردى. بۇل تۋرالى ماڭعىستاۋ وبلىستىق سوتىنىڭ باسپاسٶز قىزمەتٸ ٶكٸلٸ ايتتى, - دەپ حابارلايدى Tengrinews.kz اگەنتتٸگٸ lada.kz سايتىنا سٸلتەمە جاساپ.
وبلىس ەكٸمدٸگٸندە نييازوۆتىڭ جۇمىستان شەتتەتٸلگەنٸ تۋرالى قاۋەسەت تاراعان بولاتىن.
"25 مامىردان باستاپ عالىمجان نييازوۆ جۇمىستا جوق, انىق-قانىعىن قۇقىق قورعاۋ ورگاندارىنان بٸلە الاسىزدار", - دەدٸ ماڭعىستاۋ وبلىسى ەكٸمدٸگٸ ٶكٸلٸ.
سوتتا نييازوۆتى ٷيقاماقتا ۇستاۋ مەرزٸمٸ ۇزارعانى ايتىلدى.
"اقتاۋ مامانداندىرىلعان تەرگەۋ سوتىنىڭ قاۋلىسىمەن ماڭعىستاۋ وبلىسى ەكٸمٸنٸڭ ورىنباسارى عالىمجان نييازوۆقا قاتىستى ٷيقاماق تٷرٸندەگٸ بۇلتارتپاۋ شاراسى 2022 جىلعى 24 مامىردان 24 ماۋسىمعا دەيٸن ۇزاردى", - دەلٸنگەن حابارلامادا.
ايتا كەتەيٸك, عالىمجان نييازوۆ اقتاۋ قالالىق مامانداندىرىلعان تەرگەۋ سوتىنىڭ 17 سەۋٸردەگٸ, 27 سەۋٸردەگٸ جەنە 17 مامىرداعى زاڭدى كٷشٸنە ەنگەن قاۋلىلارى بويىنشا 24 مامىردا جۇمىسقا ورالعان ەدٸ. سونىمەن قاتار, ەكٸم ورىنباسارىنىڭ لاۋازىمىندا قالۋى سوت شەشٸمٸنە بايلانىستى ەكەنٸ ايتىلدى. ول بٸر اپتادان كەيٸن ٶزگەردٸ.
