Mańǵystaý ákimi orynbasarynyń kóligi jol apatyna ushyrady, dep habarlaidy "Ult aqparat".
Bul aqparatty Mańǵystaý Politsiia departamentiniń baspasóz qyzmeti rastady.
Jol-kólik oqiǵasy 15-shaǵynaýdandaǵy halyqqa qyzmet kórsetý ortalyǵynyń aldynda bolǵan. Oblys ákiminiń orynbasary otyrǵan «Toyota» júk kóligimen soqtyǵysqan. Sheneýniktiń kóligin júrgizýshi basqarǵan. Oqiǵadan eshkim zardap shekpegen.
Kýágerlerdiń aitýynsha, ákimdikke qatysty kólik kortejsiz júrgen.
«Atalǵan derekke bailanysty QR Ákimshilik kodeksiniń 610-baby boiynsha hattama toltyrylyp, is sotqa joldanǵan», - dedi politsiiadan.
