Mańǵystaý oblysynyń ákimi Nurlan Noǵaev óńirdegi et baǵasy týraly suraqtarǵa jaýap berdi, dep habarlaidy QazAqparat.
«Aýa raiyna bailanysty jaǵdailar ósimge áser etken joq. Iá, baǵanyń ósýi bar. Biraq jyl saiyn dástúrli túrde Mańǵystaý oblysyna et Batys Qazaqstan, Aqtóbe, Qostanai oblystarynan jetkiziledi. Iaǵni ettiń basym bóligi sol óńirlerden keledi», - dedi aimaq basshysy Ortalyq kommýnikatsiialar qyzmetinde ótken baspasóz máslihatynda.
Ákimniń aitýynsha, biyl bolǵan qýańshylyq pen et baǵasynyń qymbattaýy bir-birimen bailanysty emes.
«Jergilikti atqarýshy organdar baǵany negizsiz ósirmeý úshin turaqtandyrý qoryn qurdy jáne qajet bolǵan jaǵdaida interventsiia jasaidy. Baǵalarǵa jáne baǵanyń negizsiz ósýine kúndelikti monitoring júrgiziledi. Jedel sharalar da qabyldanýda», - dedi Nurlan Noǵaev.
