Halyqaralyq konkimen júgirýshiler odaǵy (ISU) mánerlep syrǵanaýdan 2022 jyly álem chempionatyn qabyldaityn qalany anyqtady, dep habarlaidy Olympic.kz.
Sonymen, álemdik dodany Frantsiianyń Monpele qalasy ótkizetin boldy.
15 maýsymda ótken ISU keńesinde osyndai sheshim qabyldandy. Álemdik syn 21-27 naýryz aralyǵynda uiymdastyrylmaq.
Sondai-aq, mánerlep syrǵanaýdan ótetin iri jarystar kestesi de anyqtaldy. 2021 jylǵy tórt qurlyq chempionaty Avstraliianyń Sidnei qalasynda, 8-14 aqpan aralyǵynda ótedi.
2022 jyldyń 3-6 naýryzy aralyǵynda konkimen júgirýden álem chempionatyn Norvegiianyń Hamar qalasy qabyldaidy. Al sol jyly short-trekten álem chempionaty Kanadanyń Monreal qalasynda, 18-20 naýryz aralyǵynda ótkiziledi.
