Foto: instagram.com/abdukodir_khusanov_
Aǵylshynnyń ataqty "Manchester Siti" fýtbol klýby frantsýzdyq "Lans" sapynda óner kórsetetin ózbek qorǵaýshysy Abdýkodir Hýsanovty quramyna qospaý týraly sheshim qabyldady, dep habarlaidy Zamin.uz.
20 jastaǵy qorǵaýshyny aǵylshyn klýby shamamen 50 million eýroǵa satyp alýdy josparlaǵan bolatyn. Alaida bul jańalyq sońǵy kúnderi jahandyq aqparat quraldarynda talqylanyp jatqanymen, jaǵdai ózgeshe órbidi.
Insaider Fabritsio Romanonyń málimetinshe, "Manchester Siti" Hýsanovtyń ornyna braziliialyq fýtbolshy Vitor Reiske tańdaý jasaǵan. 19 jastaǵy bul oiynshy "Palmeiras" klýbynyń namysyn qorǵaýda jáne ony aǵylshyndar 40 million eýroǵa satyp alýdy kózdep otyr.
Reis jaqyn arada "Manchester Siti" quramyna qosylý úshin meditsinalyq tekserýden ótip, kelisimshartqa qol qoimaq. Biylǵy maýsymda jas qorǵaýshy 38 oiyn ótkizip, 2 gol soqqan. Transfermarkt portaly onyń naryqtyq qunyn 14 million eýro dep baǵalaidy.
