Eýropalyq fýtbol qaýymdastyqtary odaǵy «Manchester Sitidi» eki maýsymǵa eýrokýboktarǵa qatysýdan shektedi. Sanktsiia aldaǵy 2020/21 maýsymynan kúshine enedi, dep habarlaidy "Ult aqparat" ÝEFA saityna silteme jasap.
ÝEFA klýbtarynyń Qarjylyq baqylaý organynyń táýelsiz Sot palatasy barlyq dálelderdi zerdelei kele, «Manchester Siti» fýtbol klýby litsenziialaý erejelerin óreskel buzǵanyn jáne 2012 jáne 2016 jyldarǵy esepterinde demeýshilik tabystaryn asyra kórsetkenin anyqtaǵan.
Osyǵan orai, Sot palatasy aǵylshyn klýbyn ÝEFA-nyń 2020/21 jáne 2021/22 jyldarǵy eki maýsymynan shettetýdi uiǵardy. Sondai-aq 30 mln eýro aiyppul saldy.
Atap ótilgendei, «Manchester Siti» bul sheshimge qatysty shaǵymmen Sporttyq tórelik sotyna júginýge quqyly.
Aita keteiik, aǵylshyn klýby 2019/20-Chempiondar ligasynyń 1/8 kezeńinde «Realmen» kezdesetin bolady. Ótken maýsymda Hosep Gvardiolanyń komandasy ¼ finalyna deiin jetip, eki oiynnyń qorytyndysymen «Tottenhemge» jol berdi.
