2021 jylǵy mamyrda Qazaqstanda bir qyzmetkerdiń ortasha ailyq ataýly eńbekaqysy 232 myń teńgeden astamdy qurady. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
«2021 jylǵy sáýirde halyqtyń orta eseppen jan basyna shaqqandaǵy ataýly aqshalai tabystaryn baǵalaý boiynsha 124 132 (aldyn ala derekter) teńgeni qurady. Bul 2020 jylǵy sáýirge qaraǵanda 10,1% joǵary, naqty aqshalai tabys kórsetilgen kezeńde 2,9% artty.
2021 jylǵy mamyrda bir qyzmetkerdiń ortasha ailyq ataýly jalaqysy baǵalaý boiynsha 232 347 teńgeni qurady», - delingen taratylǵan málimette.
Halyqaralyq eńbek uiymynyń ádistemesi boiynsha anyqtalǵan jumyssyzdar sany 2021 jylǵy I toqsanda 451,3 myń adamdy qurady. Jumyssyzdyq deńgeii jumys kúshi sanyna 4,9% qurady. Jumyspen qamtý organdarynda jumyssyzdar retinde tirkelgen adamdar sany 2021 jylǵy mamyrdyń sońyna 222,7 myń adamdy qurady nemese jumys kúshine 2,4%.
