QR Ulttyq bankiniń tóraǵasy Erbolat Dosaev valiýta naryǵyndaǵy jaǵdaidy baiandady, dep habarlaidy "Ult aqparat".
«Biylǵy mamyrda munai baǵasynyń qalypty ósýi jáne salyqtyq tólemder kezeńi aiasynda teńge baǵamy bir AQSh dollary úshin 428,71 teńgege deiin 0,1%-ke nyǵaidy. Geosaiasi jaǵdaidyń jaqsarýy jáne ortalyq banktiń negizgi stavkasynyń ósýinen keiin Federaldyq qaryz obligatsiialary kiristiliginiń naqty stavkasynyń ósýi aiasynda Resei rýbliniń bir AQSh dollary úshin 73,4 rýblge deiin 2,4%-ke nyǵaiǵany baiqaldy», - dedi Dosaev Úkimet otyrysynda.
Sonymen qatar, Ulttyq bank tóraǵasynyń aitýynsha, biylǵy mamyrda memlekettik baǵaly qaǵazdarǵa, onyń ishinde Ulttyq banktiń nottaryna sheteldik investitsiialardyń ákelinýi qaita jandandy, olar bir aida 99 mlrd teńgege ósti.
«Jergilikti oń faktorlarǵa qaramastan, damyǵan elderdegi aqsha-kredit talaptarynyń ózgerýi damýshy naryqtar valiýtalarynyń, onyń ishinde teńgeniń dinamikasyna áser etýdi jalǵastyrýda. Biylǵy jylǵy 9 maýsymdaǵy jaǵdai boiynsha teńgeniń birjalyq baǵamy bir AQSh dollary úshin 426,75 teńge deńgeiinde qalyptasty», - dep atap ótti Dosaev.
