Mindetti áleýmettik meditsinalyq saqtandyrý (MÁMS) tólemderi ýaqytyly jasalmasa ósimpul men aiyppul qarastyrylǵan ba? Osy suraqqa Áleýmettik meditsinalyq saqtandyrý qory túsinik berdi, dep habarlaidy "Ult aqparat".
«Jumysshylar, ózin jumyspen qamtyǵandar, óz erkimen tólem jasaǵandar men Biryńǵai jiyntyq tólem júrgizgender úshin MÁMS týraly zańnamada eshqandai sanktsiialar qarastyrylmaǵan», - delingen qordyń málimetinde.
Atalǵan qor baspasóz qyzmetiniń habarlaýynsha, ósimpul MÁMS boiynsha bereshegi bar jumys berýshiler úshin qarastyrylǵan.
«Eger jumys berýshi qyzmetkeri úshin tólemese nemese ony ýaqytyly jasamasa, jumysshy MÁMS paketinde meditsinalyq kómekti almaýy múmkin. Onyń júiedegi mártebesi «Saqtandyrylmaǵan» dep sipattalady. Bul óz kezeginde jeke kásipkerlikke de qatysty, iaǵni onyń iesi jalǵyz qyzmetker bolyp sanalǵan jaǵdaida», - dep atalyp ótken qor mamandarynyń jaýabynda.
Ósimpul eseptelgeni týraly eskertý bolǵan jaǵdaida, aýmaqtyq memlekettik kirister departamentine júginý kerek. Meditsinalyq saqtandyrý qoryna tek jarnalar, aýdarymdar men ósimpuldar kelip túsedi. Alaida jarna tólenbegeni úshin ósimpul men MÁMS-ke aýdarymdardy esepteýdi salyq organdary júzege asyrady.
