مٸندەتتٸ ەلەۋمەتتٸك مەديتسينالىق ساقتاندىرۋ (مەمس) تٶلەمدەرٸ ۋاقىتىلى جاسالماسا ٶسٸمپۇل مەن ايىپپۇل قاراستىرىلعان با? وسى سۇراققا ەلەۋمەتتٸك مەديتسينالىق ساقتاندىرۋ قورى تٷسٸنٸك بەردٸ, دەپ حابارلايدى "ۇلت اقپارات".
«جۇمىسشىلار, ٶزٸن جۇمىسپەن قامتىعاندار, ٶز ەركٸمەن تٶلەم جاساعاندار مەن بٸرىڭعاي جيىنتىق تٶلەم جٷرگٸزگەندەر ٷشٸن مەمس تۋرالى زاڭنامادا ەشقانداي سانكتسييالار قاراستىرىلماعان», - دەلٸنگەن قوردىڭ مەلٸمەتٸندە.
اتالعان قور باسپاسٶز قىزمەتٸنٸڭ حابارلاۋىنشا, ٶسٸمپۇل مەمس بويىنشا بەرەشەگٸ بار جۇمىس بەرۋشٸلەر ٷشٸن قاراستىرىلعان.
«ەگەر جۇمىس بەرۋشٸ قىزمەتكەرٸ ٷشٸن تٶلەمەسە نەمەسە ونى ۋاقىتىلى جاساماسا, جۇمىسشى مەمس پاكەتٸندە مەديتسينالىق كٶمەكتٸ الماۋى مٷمكٸن. ونىڭ جٷيەدەگٸ مەرتەبەسٸ «ساقتاندىرىلماعان» دەپ سيپاتتالادى. بۇل ٶز كەزەگٸندە جەكە كەسٸپكەرلٸككە دە قاتىستى, ياعني ونىڭ يەسٸ جالعىز قىزمەتكەر بولىپ سانالعان جاعدايدا», - دەپ اتالىپ ٶتكەن قور ماماندارىنىڭ جاۋابىندا.
ٶسٸمپۇل ەسەپتەلگەنٸ تۋرالى ەسكەرتۋ بولعان جاعدايدا, اۋماقتىق مەملەكەتتٸك كٸرٸستەر دەپارتامەنتٸنە جٷگٸنۋ كەرەك. مەديتسينالىق ساقتاندىرۋ قورىنا تەك جارنالار, اۋدارىمدار مەن ٶسٸمپۇلدار كەلٸپ تٷسەدٸ. الايدا جارنا تٶلەنبەگەنٸ ٷشٸن ٶسٸمپۇل مەن مەمس-كە اۋدارىمداردى ەسەپتەۋدٸ سالىق ورگاندارى جٷزەگە اسىرادى.
