«Áleýmettik meditsinalyq saqtandyrý qory» kommertsiialyq emes AQ basqarma tóraǵasy Aibatyr Jumaǵulov Shymkentke kelip, aimaqtyq shtab múshelerimen birqatar meditsinalyq uiymdardy aralady. Sondai-aq atalǵan saladaǵy ózekti máseleler boiynsha meditsina mamandarymen pikir almasty, dep habarlaidy "Ult aqparat".
Aibatyr Jumaǵulovtyń aitýynsha, meditsinalyq saqtandyrý júiesin engizý arqyly Shymkent qalasyndaǵy densaýlyq saqtaý salasyn damytýǵa bólingen qarjy ótken jylmen salystyrǵanda 40 paiyzǵa artty. Jańa júie boiynsha qarjylandyrý kólemin arttyrý ǵana emes, tarifterdiń jáne meditsina qyzmetkerleriniń jalaqysyn arttyrý kózdelgen. Osy maqsatta halyqqa qyzmetti qoljetimdi etý úshin qosymsha 500 mlrd qarjy bólinip otyr. Bul qarajat halyqqa qyzmetti jaqyndatý úshin jusalmaq.
«Beiindi mamandardyń qyzmeti búginge deiin aqyly bolyp kelse, endi biz tegin jasaýǵa tyrysamyz. Mindetti áleýmettik saqtandyrý júiesin engizý arqyly Shymkent qalasy boiynsha bólingen qarjy kólemi artyp otyr. Qarjynyń kóbeiýi arqyly meditsina qyzmetkerleriniń jalqasyn kóterý baǵyttary boiynsha jumystar iske aspaq. Naqtyraq aitqanda, dárigerlerdiń jalaqysy 30 paiyzǵa artsa, orta býyndy meditsina qyzmetkerleriniń ailyǵy 20 paiyzǵa kóterildi», - dedi Aibatyr Jumaǵulov.
