Foto: © Sputnik / Vladislav Vodnev
Densaýlyq saqtaý ministri Ajar Ǵiniiat depýtattardyń Mindetti meditsinalyq saqtandyrý qoryna tólenetin tólemderdiń jalpy somasynyń 50 paiyzyn qazaqstandyqtarǵa qaitarý týraly usynysyna qatysty pikir bildirdi, - dep habarlaidy Tengrinews.kz saity.
"Zańda bul júie (MÁMS) áleýmettik jáne yntymaqtastyq arqyly jasalǵany kórsetilgen. Sondyqtan ol jerdegi qarajat qaitarylmaidy. Ortasha jalaqydan 100 myń teńge jinalǵan jaǵdaida biyl adam aýyrmai, oǵan 50 myń teńge qaitarylsa, kelesi jyly oǵan mln asa teńge kóleminde meditsinalyq kómek kerek bolýy múmkin. Sondyqtan bul kómekti barlyǵyna kórsetý úshin qarjy qaitarylmaidy. Zań boiynsha qarjyny qaitaryp berý múmkin emes", - dedi Ajar Ǵiniiat.
Ministrdiń aitýynsha, mindetti meditsinalyq saqtandyrýdy engizý elimizde meditsinany damytýǵa múmkindik bergen shara bolǵan.
"Jyldar boiyna qosymsha qarajat tústi, densaýlyq saqtaý salasyna investitsiia quiyldy. Jańa tehnologiialar paida boldy. Meditsinalyq kómek búginde barlyq azamatqa qoljetimdi. Eki millionǵa jýyq adam tegin dári-dármek aldy, qazir tórt million boldy. Sondyqtan mindetti meditsinalyq saqtandyrýdy engizýdiń arqasynda biz halyqtyń densaýlyǵyn jaqsarttyq", - dedi ministr.
