QR Premer-Ministri Asqar Mamin Tuńǵysh Prezident Nursultan Nazarbaevtyń jáne Memleket basshysy Qasym-Jomart Toqaevtyń Shymkent qalasyn jáne Túrkistan qalasyn damytý jónindegi tapsyrmalaryn oryndaý boiynsha óńirge jumys saparymen bardy, dep habarlaidy primeminister.
Shymkent qalasynda A. Mamin «Badam» (195-oram) turǵyn úi alabynyń injenerlik infraqurylym jaǵdaiymen tanysty, onyń elektrmen jabdyqtaý problemasymen mektep muǵalimi Gúlnaz Ábdirova «Nur Otan» partiiasyna júgingen bolatyn. Biyl 27 qyrkúiekte «Nur Otan» partiiasynyń qoǵamdyq qabyldaýynda azamattardy jeke qabyldaý barysynda Úkimet basshysy G. Ábdirovaǵa 195-oram úilerin elektrmen jabdyqtaý jumystaryn osy jyldyń jeltoqsan aiynda aiaqtaý qarastyrylǵanyn aitty, sý qubyry jáne gaz jelilerin salý jobasy boiynsha jobalyq-smetalyq qujattama ázirlenip jatyr.
Premer-Ministr arheologiialyq qazba jumystary kezinde tabylǵan «Shymkent qalashyǵyn» restavratsiialaý jáne mýzeilendirý jónindegi «Tsitadel» jobasynyń alańyna bardy. Jobanyń tarihi qundylyǵy bar jáne ol 2020 jyly «Shymkent – TMD-nyń mádeni elordasy» jylyn atap ótý aiasynda tartymdy týristik nysan bolýǵa arnalǵan.
Úkimet basshysy Qazaqstan naryǵymen qatar, Ózbekstan, Qyrǵyzstan jáne Tájikstan naryqtaryna ónimderin jetkizetin «Zerde-Keramika» keramogranit óndirý zaýytyna bardy.
Sonymen qatar, A. Mamin óńirdiń toqyma salasyn jandandyrý josparlarymen tanysty.
2019 jyldyń 8 aiynda Shymkent qalasynda ónerkásiptik ónim óndirisiniń kólemi 359,6 mlrd teńgeni qurady. Óńdeý ónerkásibi óndirisi 17,8%-ǵa, onyń ishinde himiia ónimderi óndirisi 21%-ǵa, metallýrgiia – 25,9%-ǵa, munai ónimderi óndirisi 31,5%-ǵa ósti. Shymkent qalasynda jumys istep turǵan shaǵyn jáne orta kásipkerlik sýbektileriniń sany 67,2 myń birlikke jetti nemese 2018 jyldyń sáikes kezeńimen salystyrǵanda 114,5% quraidy.
Úkimet basshysyna ótkizý qabileti saǵatyna 400 jolaýshyny quraityn Shymkent qalasy áýejaiynyń jańa terminalynyń jobasy tanystyryldy, ony 2020 jylǵy qazanǵa qarai aiaqtaý kózdelgen.
Premer-Ministr Túrkistan qalasyn jańǵyrtýdyń 1-kezeńi aiasyndaǵy jumystar barysyn tekserdi, onyń ishinde ákimshilik, áleýmettik jáne tarihi-mádeni mańyzy bar nysandar: ákimdik, basqarmalar jáne departamentter ǵimarattarynyń, media ortalyqtyń, «Nur-Sultan» alańynyń, Olimpiadalyq rezervtegi sport mektebiniń, Halyqqa qyzmet kórsetý ortalyǵynyń, mýzyka mektebiniń, attraktsiondary bar qala saiabaǵynyń, neke qiiý saraiynyń, vizit-ortalyqtyń, Shyǵys monshasynyń, amfiteatr men qalalyq Arbattyń qurylysyn tekserdi.
