QR Premer-Ministri Asqar Mamin jumys sapary aiasynda Jambyl oblysynyń áleýmettik-ekonomikalyq damýymen tanysyp, óńirdegi investitsiialyq jobalardyń iske asyrylý barysyn tekserdi.
Bul týraly Úkimettiń resmi saity habarlady.
Qordai aýdanynyń Gvardeiskii kentinde Úkimet basshysy QR BǴM Biologiialyq qaýipsizdik problemalary ǵylymi-zertteý institýtynyń (ǴZI) immýnobiologiialyq preparattar shyǵaratyn biofarmatsevtikalyq zaýytynda boldy. Munda jyl saiyn 60 mln dozaǵa deiin vaktsina shyǵarý josparlanyp otyr.
Premer-Ministr BSL-3 standartyndaǵy sýbstantsiialar óndiretin zaýyttyń óndiristik qýatyn damytý jobalarymen, sondai-aq ǴZI-dyń turǵyn úi jáne áleýmettik-mádeni infraqurylymymen tanysty.
Baizaq aýdany, Jańaturmys aýyldyq okrýginiń Qainar aýylynda Úkimet basshysyna biylǵy 26 tamyzda oq-dári qoimasyndaǵy jarylys saldarynan qiraǵan barlyq turǵyn úidi qalpyna keltirý jumystarynyń aiaqtalǵany týraly baiandaldy. Premer-Ministr zaqymdalǵan úilerdiń turǵyndarymen kezdesý ótkizdi.
A.Mamin Baizaq aýdanyndaǵy sharýa qojalyqtarynyń biriniń astyq jinaý naýqanynyń qorytyndylarymen tanysyp, «Jambyl» kóterme-taratý ortalyǵyna, áleýmettik azyq-túlik dúkenine baryp, Jambyl oblysynda shyǵarylatyn azyq-túlik ónimderiniń kórmesin aralady. Úkimet basshysyna óńirdegi áleýmettik mańyzy bar azyq-túlik taýarlary baǵasynyń turaqtylyǵyn qamtamasyz etý jónindegi sharalar týraly baiandaldy.
Shý aýdanyndaǵy «Taraz himiialyq parki» arnaiy ekonomikalyq aimaǵyn aralaý barysynda Úkimet basshysyna himiia jáne azyq-túlik ónerkásibindegi jalpy somasy 143,3 mlrd teńge bolatyn perspektivaly investitsiialyq jobalar tanystyryldy.
Qýaty jylyna 25 myń tonna natrii tsianidin óndirý jónindegi jobany 2023 jyldyń sońyna deiin aiaqtaý kózdelgen. Kásiporyn ónimi QR-nyń ishki qajettilikterin tolyq qamtamasyz etedi, sondai-aq Ortalyq Aziia men EAEO elderine eksporttalatyn bolady.
Qazaqstannyń AÓK salasyndaǵy iri jobalarynyń biri – jylyna 148,8 myń tonna aq qant shyǵaratyn qant zaýytynyń salynýy. Ony 2023 jyly paidalanýǵa berý josparlanǵan. Joba tolyǵymen óz shikizatymen qamtamasyz etiledi.
Taraz qalasynda Úkimet basshysy meditsinalyq buiymdar shyǵaratyn «Ámir jáne D» JShS-da boldy. Biylǵy qazan aiynda kásiporyn COVID-19 antigenin anyqtaityn ekspress-testter shyǵara bastady. Munda infektsiialyq aýrýlardy, kardiologiialyq markerlerdi, esirtki zattaryn, allergenderdi jáne t. b. diagnostikalaý úshin 200-den astam ekspress-test ataýyn shyǵarý josparlanýda. Óndiristik qýaty jylyna 15 mln ekspress-test pen 1,5 mln baqylaý eritindisin quraidy.
A. Mamin «Kóne Taraz» tarihi-etnomádeni ortalyǵynyń ainalasyndaǵy aýmaqty rekonstrýktsiialaý josparymen, sondai-aq Taraz qalasynyń turǵyn úi, meditsina, kólik infraqurylymy men tirshilikti qamtamasyz etý obektilerin damytý jobalarymen tanysty.
2021 jyldyń 10 aiynda Jambyl oblysynda ónerkásip óndirisiniń kólemi 491,1 mlrd teńgeni qurady, bul ótken jyldyń sáikes kezeńimen salystyrǵanda 5%-ǵa artyq. Aýyl sharýashylyǵynyń jalpy ónim kólemi 377,5 mlrd teńgege jetti (+0,1%). Negizgi kapitalǵa salynǵan investitsiialar ósimi 11,1%-dy qurady. Qurylys kólemi 7,3%-ǵa ósti, óńirde 535,9 myń sharshy metr (+16,4%) turǵyn úi paidalanýǵa berildi.
Jumys saparyna Jambyl oblysynyń ákimi Berdibek Saparbaev, indýstriia jáne infraqurylymdyq damý ministri Beibit Atamqulov, energetika ministri Maǵzum Myrzaǵaliev, densaýlyq saqtaý ministri Aleksei Tsoi, mádeniet jáne sport vitse-ministri Erjan Erkinbaev, «Azyq-túlik kelisim shart korporatsiiasy» UK» AQ basqarma tóraǵasy Saparhan Omarov jáne t. b. qatysty.
