QR Premer-Ministri Asqar Mamin tutynýshylardyń quqyǵyn qorǵaýmen ainalysatyn ombýdsmen institýtyn engizý usynysyn qoldaitynyn aitty, dep habarlaidy QazAqparat.
«Qazaqstandyqtardyń turmys sapasyn arttyrý tutynýshylardyń quqyqtaryn qorǵaý deńgeiin arttyrýmen tyǵyz bailanysty.
Tutynýshylardyń quqyqtaryn qorǵaý deńgeii adal jáne básekeles kásipkerlikti damytýdyń indikatory bolyp tabylady.
Óz quqyqtaryna senimdi tutynýshylar sapaly taýarlarǵa, jumystar men qyzmetter kórsetýge belsendi suranysty qamtamasyz etedi. Bul ekonomikany damytýdyń quramdas bóligi bolyp tabylady», - dedi ol Úkimet otyrysynda.
Condai-aq, ol pandemiia kezeńinde elektrondyq saýda qyzmetterine suranys kúrt óskenin eske saldy.
«Sondyqtan tutynýshylar quqyqtarynyń buzylýyna jol bermeý úshin quqyqtyq normalardy odan ári jetildirý qajet. Byltyr zańnamaǵa túzetýler engizilip, Úkimet janynan Vedomstvoaralyq keńes quryldy, tutynýshylardyń quqyqtaryn buzǵany úshin ákimshilik jaýapkershilik engizildi. Ombýdsmen institýty tiimdi basqarýdyń zamanaýi modeliniń ajyramas bóligine ainaldy. Kóptegen elderdiń tájiribesi tutynýshylardyń quqyqtaryn qorǵaý jónindegi ombýdsmen institýtyn engizý qajettigin aiǵaqtaidy.
Onyń mindeti tutynýshylarǵa quqyqtyq kómek kórsetý bolmaq. Bul norma ázirlenip jatqan «Tutynýshylardyń quqyqtaryn qorǵaý týraly» jańa redaktsiiadaǵy zań jobasynda jazylady. Jalpy osy baǵytta júrgizilip jatqan jumysty qoldaimyn», - dedi Premer-Ministr.
