QR Premer-Ministri Asqar Mamin Túrki tildes memleketter yntymaqtastyǵy keńesiniń (TMYK) bas hatshysy Baǵdat Ámireevpen kezdesti, dep habarlaidy "Ult aqparat" primeminister.kz portalyna silteme jasap.
Memleket basshysy Nursultan Nazarbaevtyń yntymaqtastyqtyń túrki uiymdarynyń qurylymdyq reformalary, túrki integratsiiasynyń qoryn jáne TMYK birlesken investitsiialyq qoryn qurý boiynsha usynǵan bastamalaryn iske asyrýǵa erekshe kóńil bólindi.
Kezdesý barysynda túrki tildes memleketterdiń ekonomika salasyndaǵy ózara is-qimyl máseleleri, sondai-aq, investitsiialyq yntymaqtastyq, kólik jáne logistikany damytý, birlesken kásiporyndardy qurý áleýeti, TMYK múshe memleketterdiń básekege qabilettiligi men eksporttyq áleýetin arttyrý máseleleri talqylandy.
«Túrki tildes memleketterdiń yntymaqtastyǵy keńesiniń aiasynda túrki tildes memleketterdiń ózara is-qimylynyń ekonomikalyq kún tártibin qalyptastyrý boiynsha jumystardy jandandyrý kerek», - dep A. Mamin, mashina jasaý, týrizm, agrosektor, jeńil ónerkásip salalaryndaǵy, sonymen qatar jalpy «qarapaiym zattar ekonomikasyn» damytý salasyndaǵy yntymaqtastyqtyń zor áleýetin atap ótti.
Óz kezeginde B. Ámireev biyl naýryzda Astanada ótken TMYK keden qyzmetteri basshylarynyń otyrysy týraly aqparat berdi. Jalpy, Keńestiń keden qyzmetteriniń ózara is-qimyly, múshe memleketterdiń keden qyzmetteri arasynda Ózara túsinistik týraly memorandýmdy iske asyrý jáne saqtaý máseleleri qaraldy.
