Qazaqstan Respýblikasynyń Premer-Ministri Asqar Mamin resmi saparmen Tájikstan Respýblikasyna bardy, dep habarlaidy "Ult aqparat" primeminister.kz saityna silteme jasap.
Dýshanbede Qazaqstan Premer-Ministri Tájikstan Prezidenti Emomali Rahmonmen kezdesý ótkizdi. Kezdesýde ekijaqty saýda-ekonomikalyq yntymaqtastyqtyń ózekti máseleleri talqylandy.
«Qazaqstanda Sizdiń qurmetti qonaq retinde Joǵary Eýraziialyq ekonomikalyq keńestiń mereitoilyq otyrysqa qatysqanyńyzdy jylylyqpen eske alady, - dedi Asqar Mamin. - Qazaqstan Tájikstanmen ózara tiimdi kópjosparly seriktestikti keńeitýge múddeli».
Sonymen qatar TR Premer-Ministri Kohir Rasýlzodamen úkimetaralyq kelissózder ótti. Kelisózder barysynda qazaqstandyq-tájikstandyq yntymaqtastyqty tereńdeý keleshegi qaraldy. 2018 jyly elderdiń ekijaqty saýda kólemi 8,2%-ǵa artty, saýda ainalymy $900 mln qurady. Sonymen qatar, Qazaqstan men Tájikstan arasyndaǵy avtomobil kóligimen eksporttyq-importtyq tasymaldaý kólemi 2,9 ese ósip, 16,9 mln tonnany qurady.
Tájikstan Premer-Ministri Kohir Rasýlzoda Qazaqstannyń taýar ainalymy boiynsha Tájikstannyń ekinshi seriktesi bolyp otyrǵanyn aitty. Sonymen qosa, Qazaqstannyń Tájikstannyń basty saýda seriktesine ainalýy boiynsha zor perspektivalar bar. Osy maqsatta Qazaqstan jáne Tájikstan Úkimetteri aldaǵy 3-4 jylda ózara saýda kólemin $2 mlrd-qa deiin arttyrý úshin jumystar júrgizýde.
Taraptar qazaqstandyq ónimderdi jetkizý kólemin arttyrý jáne nomenklatýrasyn keńeitý boiynsha qol jetkizilgen ýaǵdalastyqtardy iske asyrýdy jalǵastyrý nietin rastady. Aýyl sharýashylyǵy, ónerkásiptik kooperatsiia, energetika, kólik jáne kommýnikatsiialar salalaryndaǵy investitsiialyq ózara is-qimyl tetikterin jetildirýge kóńil bólindi.
«Bizdiń investitsiialyq yntymaqtastyǵymyzdy birlesken investitsiialyq jobalardy jasaý arqyly arttyrýǵa ázirmiz», - dedi Asqar Mamin.
QR Premer-Ministri Asqar Maminniń Tájikstanǵa resmi sapary aiasynda jalpy somasy $80 mln-nan asatyn, qazaqstandyq-tájik yntymaqtastyǵyn nyǵaitýǵa baǵyttalǵan 11 qujatqa qol qoiyldy:
-
$35 mln-ǵa Eýraziialyq Damý Banki, «Rohi Ohani Tochikiston» MÝK jáne «ESK «KazakhExport» AQ arasyndaǵy yntymaqtastyq týraly kelisimge;
-
$20,7 mln-ǵa «Agromashholding» AQ, «Tadjikselhozlizing» RMÝK jáne «ESK «KazakhExport» AQ arasyndaǵy yntymaqtastyq týraly kelisimge;
-
$16 mln-ǵa «Dýsti 2017» JShQ jáne «ESK «KazakhExport» AQ arasyndaǵy yntymaqtastyq týraly kelisimge;
-
$6 mln-ǵa «Azyq-túlik kelisim korporatsiiasy» UK» AQ jáne Tájikstan Respýblikasynyń Úkimeti janyndaǵy Memlekettik materialdyq rezervter agenttiginiń arasyndaǵy qazaqstandyq bidaidy jetkizýge shekti kelisimge;
-
$1,5 mln-ǵa «Hyindai Trans Avto Kazakhstan» jáne «Holding Aziia Grýpp Tadjikistan» JAQ arasyndaǵy evakýatorlar, týristik avtobýstar jetkizýge kelisimge;
-
$1 mln-ǵa «PALLANT TRADE» JShS jáne «Tadjero» JShQ distribiýtorlyq kompaniiasy arasyndaǵy konservilengen ónimdi jetkizý týraly kelisimshartqa;
-
$655-ǵa «SaryarkaAvtoProm» JShS men «Holding Aziia Grýpp Tadjikistan» JAQ arasyndaǵy Jac markaly 50 mashinany jetkizý týraly kelisimshartqa;
-
«Azyq-túlik kelisim korporatsiiasy» UK» AQ jáne Tájikstan Respýblikasynyń Úkimeti janyndaǵy Memlekettik materialdyq rezervter agenttiginiń arasyndaǵy yntymaqtastyq týraly kelisimge;
-
«Sitabr Agro» JShQ jáne «Continental Agro Trade» JShS arasyndaǵy aýyl sharýashylyǵy ónimderimen saýda salasyndaǵy ózara túsinistik jáne yntymaqtastyq týraly memorandýmǵa;
-
«Metal Invest» JShQ jáne «Continental Agro Trade» JShS arasyndaǵy aýyl sharýashylyǵy ónimderimen saýda salasyndaǵy ózara túsinistik jáne yntymaqtastyq týraly memorandýmǵa;
-
«Qazaqstan temir joly» Ulttyq kompaniiasy» AQ jáne «Rohi ohani Tochikiston» MÝK arasyndaǵy kelissózder hattamasy.
