Premer-Ministr Asqar Mamin Úkimet otyrysynda Ulttyq sanaqqa sylbyr daiyndalyp jatqan óńirlerdi atady, dep habarlaidy "Ult aqparat".
«Jalpy sanaq ótkiziletin ýaqytta 32 myń adam jumysqa alynady. Almaty jáne Nur-Sultan qalalarynyń, Qostanai jáne Shyǵys Qazaqstan oblystarynyń ákimdikteri jumysty durys jolǵa qoiǵan. Al Mańǵystaý, Aqtóbe oblystary men Shymkent qalasy ákimdikteriniń jumys qarqyny jetkiliksiz. Óńirlerdiń ákimderi halyq sanaǵyna daiyndyq barysyn jeke baqylaýǵa alsyn», - degen Úkimet basshysy sanaqty ótkizý boiynsha birqatar máselege toqtaldy.
«Birinshi. Óńirlerdiń ákimderi men Ulttyq statistika biýrosy Eńbek jáne halyqty áleýmettik qorǵaý, Bilim jáne ǵylym, Densaýlyq saqtaý ministrlikterimen birge qysqa merzimde mindetti vaktsinatsiialaýdan ótken jumyskerlerdiń qajetti sanyn jumysqa ornalastyrýdy qamtamasyz etsin.
Ekinshi. Óńirlerdiń ákimderi, Ulttyq statistika biýrosy jáne Ishki ister, Densaýlyq saqtaý ministrlikteri halyq sanaǵyn ótkizý boiynsha barlyq uiymdastyrýshylyq máselelerdi pysyqtasyn.
Úshinshi. Aqparat jáne qoǵamdyq damý ministrligi Ulttyq statistika biýrosy jáne ákimdiktermen birge halyq arasynda ulttyq sanaqtyń júrgizilý maqsaty men tártibi týraly túsindirý jumystaryn kúsheitsin», - deji Asqar Mamin.
Bul jumysty baqylaý men úilestirýdi ol orynbasary Álihan Smaiylovqa tapsyrdy.
