QR Premer-Ministri Asqar Mamin Máskeý qalasyna jumys sapary aiasynda RF Úkimetiniń Tóraǵasy Mihail Mishýstinmen kelissóz júrgizdi, dep habarlaidy primeminister.kz.
Úkimet basshylary saýda-ekonomika, qarjy-investitsiia, tranzittik-kólik, aýyl sharýashylyǵy, munai-gaz himiiasy, energetika, ǵarysh salalaryndaǵy Qazaqstan-Resei yntymaqtastyǵyn odan ári arttyrý perspektivalaryn, sondai-aq ónerkásiptik kooperatsiia aiasyndaǵy jobalardy talqylady.
Eýraziialyq ekonomikalyq odaq formatyndaǵy ózara is-qimyldyń ózekti máseleleri, sondai-aq COVID-19 taralýyna qarsy kúres jáne eki eldiń ekonomikalary úshin pandemiia saldaryn joiý jónindegi birlesken sharalar qaraldy.
A. Mamin eki eldiń ulttyq ekonomikalarynyń belsendi qalpyna kelýi aiasynda Qazaqstan men Resei arasyndaǵy saýda-ekonomikalyq qatynastar men investitsiialyq yntymaqtastyq damýynyń joǵary qarqynyn atap ótti.
Osy jyldyń 8 aiynda elder arasyndaǵy taýar ainalymy $14,7 mlrd deiin 27%-ǵa ósti. 2021 jyldyń qorytyndysy boiynsha taraptar bul kórsetkishti $20 mlrd deiin jetkizýge nietti.
2021 jyldyń birinshi jartysynda RF-nyń QR ekonomikasyna tikelei investitsiialarynyń kólemi 17%-ǵa artyp, $704,9 mln qurady. Qazaqstanda Resei kapitalynyń qatysýymen 10 myńnan astam kásiporyn jumys isteidi, bul sheteldik qatysýy bar kásiporyndardyń jalpy sanynyń 36,1%-yn quraidy.
Ónerkásiptik kooperatsiia salasynda $1,7 mlrd somasyna 8 birlesken iri joba iske asyrylyp jatyr. RF Úkimetiniń Úilestirý ortalyǵynda A. Mamin men M. Mishýstin kólik infraqurylymynyń ozyq damýy, eki eldiń tranzittik áleýetin jáne aimaqtyq kóliktik ózara bailanysyn nyǵaitý, onyń ishinde «Batys Eýropa – Batys Qytai», «Soltústik – Ońtústik» dálizderi jáne EAEO keńistigindegi basqa da baǵyttar sheńberinde nyǵaitý máselelerin talqylady. QR indýstriia jáne infraqurylymdyq damý vitse-ministri Berik Qamalievtiń, RF kólik ministri Vitalii Savelevtiń, «Qazaqstan Temir Joly» UK» AQ basqarma tóraǵasy Nurlan Saýranbaevtyń jáne «RTJ» AAQ bas direktory – basqarma tóraǵasy Oleg Belozerovtyń baiandamalary tyńdaldy.
Biylǵy jyldyń 9 aiynda Qazaqstan men Resei arqyly Ortalyq Aziia, Eýropa, Qiyr Shyǵys baǵyttaryna 599,5 myń JFE tasymaldandy, bul 2020 jyldyń sáikes kezeńindegi kórsetkishten 37%-ǵa artyq. Qytai – Eýropa – Qytai baǵytyndaǵy tranzittik konteinerlik tasymaldar kólemi 493,5 myń JFE (+38%) qurady.
Kelissózge QR-nyń RF-daǵy elshisi Ermek Kósherbaev, Strategiialyq josparlaý jáne reformalar agenttiginiń tóraǵasy Qairat Kelimbetov, saýda jáne integratsiia ministri Baqyt Sultanov, energetika ministri Maǵzum Myrzaǵaliev, «Samuryq-Qazyna» AQ basqarma tóraǵasy Almasadam Sátqaliev jáne t. b. qatysty.
