QR Premer-Ministri Asqar Mamin Máskeý qalasyna jumys sapary aiasynda RF Úkimetiniń tóraǵasy Mihail Mishýstinmen, sondai-aq Reseidiń memlekettik kompaniialary men qarjy-bank qurylymdarynyń basshylyǵymen kelissózder júrgizdi, dep habarlaidy primeminister.kz.
RF Úkimetiniń úilestirý ortalyǵynda A. Mamin men M. Mishýstin saýda-ekonomika, qarjy-investitsiia, tranzittik-kólik, aýyl sharýashylyǵy, munai-gaz himiiasy, energetika, ǵarysh salalaryndaǵy Qazaqstan-Resei yntymaqtastyǵyn odan ári arttyrýdyń perspektivalaryn, sondai-aq ónerkásiptik kooperatsiia sheńberindegi jobalardy talqylady.
Eýraziialyq ekonomikalyq odaq formatyndaǵy ózara is-qimyldyń ózekti máseleleri, sondai-aq COVID-19 taralýyna qarsy kúres jáne QR men RF ekonomikalary úshin pandemiia saldaryn joiý jónindegi birlesken sharalar qaraldy.
Mamin eki eldiń ulttyq ekonomikalaryn belsendi qalpyna keltirý aiasynda Qazaqstan men Resei arasyndaǵy saýda-ekonomikalyq qatynastar men investitsiialyq yntymaqtastyqtyń damýynyń joǵary dinamikasyn atap ótti.
Osy jyldyń 10 aiynyń qorytyndysy boiynsha QR men RF arasyndaǵy saýda kólemi 30%-ǵa artyp, $19,5 mlrd-qa jetti. Bul rette saýda qurylymyn ártaraptandyrýda ilgerileýshilik baiqalady – Qazaqstannyń eksport kólemi 39,4%-ǵa, onyń ishinde óńdelgen ónimde 47,7%-ǵa ósti. Eksport qurylymynda munai-himiia salasynyń (+18,6%), mashina jasaý (+21,9%), himiia (+33,1%) jáne jeńil (+27,1%) ónerkásip ónimi ulǵaidy. Pandemiiaǵa deiingi 2019 jylmen salystyrǵanda saýda kólemi 21%-dan astamǵa ósti.
2021 jyldyń birinshi jartysynda RF-nyń QR ekonomikasyna tikelei investitsiialarynyń kólemi 17%-ǵa artyp, $704,9 mln qurady. Ónerkásiptik kooperatsiia salasynda mashina jasaý, metallýrgiia, himiia ónerkásibi jáne t. b. salalarda $1,8 mlrd somasyna 9 birlesken iri joba iske asyrylyp jatyr. $2,8 mlrd somasyna 9 joba pysyqtaý satysynda tur.
Biylǵy 11 aida Qazaqstan men Resei arqyly Ortalyq Aziia, Eýropa, Qiyr Shyǵys baǵyttarynda 733,2 myń JFE tasymaldandy, bul 2020 jyldyń sáikes kezeńindegi kórsetkishten 30,7%-ǵa artyq. Qytai – Eýropa – Qytai baǵytyndaǵy tranzittik konteinerlik tasymaldar kólemi 602,2 myń JFE (+31%) qurady.
Eki eldiń qorshaǵan ortany qorǵaý jáne tabiǵi resýrstardy utymdy paidalaný salasyndaǵy yntymaqtastyǵy qaraldy. QR ekologiia, geologiia jáne tabiǵi resýrstar ministri Serikqali Brekeshev pen RF tabiǵi resýrstar jáne ekologiia ministri Aleksandr Kozlovtyń baiandamalary tyńdaldy. Jaiyq jáne Ertis transshekaralyq ózenderi basseinderiniń ekojúielerin saqtaý jónindegi baǵdarlamalar aiasynda jumysty sinhrondaý máselelerine erekshe nazar aýdaryldy.
Kelissózder qorytyndysy boiynsha «Batys Eýropa – Batys Qytai» halyqaralyq kólik marshrýtynda motor otyny retinde tabiǵi gazdy paidalanýdyń óndiristik-ótkizý infraqurylymyn damytý salasyndaǵy yntymaqtastyq týraly memorandýmǵa, atalǵan kólik dálizi men «Meridian» avtomobil jolynyń avtojol infraqurylymyn damytý jónindegi 2021-2030 jyldarǵa arnalǵan birlesken is-qimyl josparyna qol qoiyldy.
Qazaqstan-Resei memlekettik shekarasy arqyly avtomobil ótkizý pýnktterin damytýdyń 2021-2025 jyldarǵa arnalǵan jol kartasy qabyldandy.
«QazTrade» AQ» eksportty ilgeriletý jónindegi qazaqstandyq operator «Resei eksporttyq ortalyǵy» AQ-men jáne Ozon marketpleisimen yntymaqtastyq týraly memorandýmdar jasasty.
A. Mamin jumys sapary aiasynda «Skolkovo» qorynyń tóraǵasy Arkadii Dvorkovichpen, «Sberbank» JAQ basqarma tóraǵasy German Grefpen, «RTJ» AAQ basqarma tóraǵasy Oleg Belozerovpen eki eldiń tsifrlyq, qarjy-bank jáne temirjol salalaryndaǵy ózara is-qimylynyń ózekti máselelerin talqylady.
Resei tikelei investitsiialar qorynyń bas direktory Kirill Dmitrievpen kezdesýde investitsiialyq yntymaqtastyqtyń jáne óńdeý ónerkásibindegi (farmatsevtika, mashina jasaý, metall óńdeý, himiia ónerkásibi jáne t. b.) birlesken jobalardy iske asyrýdyń jai-kúii men perspektivalary, sondai-aq ekijaqty formatta jáne EAEO sheńberinde saýdany keńeitý máseleleri qaraldy.
«Roskosmos» memlekettik korporatsiiasynyń bas direktory Dmitrii Rogozinmen kezdesýde ǵarysh salasyndaǵy yntymaqtastyq jobalary talqylandy.
Jumys saparyna Strategiialyq josparlaý jáne reformalar agenttiginiń tóraǵasy – AHQO basqarýshysy Qairat Kelimbetov, QR-nyń RF-daǵy elshisi Ermek Kósherbaev, saýda jáne integratsiia ministri Baqyt Sultanov, energetika ministri Maǵzum Myrzaǵaliev, ekologiia, geologiia jáne tabiǵi resýrstar ministri Serikqali Brekeshev, tsifrlyq damý, innovatsiialar jáne aeroǵarysh ónerkásibi ministri Baǵdat Mýsin, indýstriia jáne infraqurylymdyq damý vitse-ministri Berik Qamaliev, Aqtóbe oblysynyń ákimi Ońdasyn Orazalin, Batys Qazaqstan oblysynyń ákimi Ǵali Esqaliev jáne t. b. qatysty.
