Memleket basshysy Premer-Ministr Asqar Mamindi qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa elimizdegi sanitarlyq-epidemiologiialyq ahýal, astyq jinaý naýqany, áleýmettik mańyzy bar azyq-túlik taýarlarynyń baǵasyn turaqtandyrý sharalary, investitsiia tartý jumystary jáne áleýmettik-ekonomikalyq damýdyń basqa da ózekti máseleleri týraly esep berildi.
Premer-Ministr Prezidentke epidemiologiialyq jaǵdaidyń turaqtalǵany týraly baiandady. Úkimettiń málimetine sáikes sońǵy aida elimiz boiynsha koronavirýs juqtyrý kórsetkishi 1,7 esege azaiǵan. Aýrýdyń órshý deńgeii – 0,94, juqpaly aýrýlar bólimderiniń 34 paiyzynda, jan saqtaý bólimsheleriniń 32 paiyzynda naýqastar em qabyldap jatyr.
Memleket basshysyna halyqqa ekpe salý jumystary josparly túrde jalǵasyp jatqany aityldy. Asqar Maminniń málimeti boiynsha, qazirgi tańda ekpeniń birinshi komponenti 7,7 million, ekinshi komponenti 6,7 million adamǵa salynǵan. Osy jyldyń IV toqsanynda Pfizer vaktsinasynyń 4 million dozasy jetkizilmek. Jalpy jyl sońyna deiin 13,3 millionnan astam azamattyń QazVas, Spýtnik V, Sinopharm, Hayat-Vax, SinoVac jáne Pfizer vaktsinalaryn saldyrýǵa múmkindigi bolady.
Sonymen qatar Qasym-Jomart Toqaevqa tumaýǵa qarsy vaktsina salý jumystary jóninde aityldy. Búginge deiin 694 myńnan astam adam ekpe alǵan. Jalpy 2,5 million adamǵa ekpe egý josparlanyp otyr.
Asqar Mamin Prezidentke astyq jinaý naýqanynyń barysy, áleýmettik mańyzy bar azyq-túlik taýarlarynyń baǵasyn turaqtandyrý úshin júrgizilip jatqan jumystar, infliatsiiaǵa qarsy qabyldanǵan sharalar keshenin júzege asyrý týraly da baiandady.
Memleket basshysyna ekonomikanyń perspektivti salalaryna sapaly investitsiia tartý máselesi jóninde málimet berildi. Úkimet shetelden tikelei tartylatyn investitsiia kólemin 30 milliard AQSh dollaryna deiin jetkizý jáne 2025 jylǵa qarai jalpy ishki ónimniń negizgi kapitalyndaǵy investitsiianyń úlesin 30 paiyzǵa deiin arttyrý jumystaryn júrgizýde.
