Úkimet otyrysynda QR Premer-Ministri Asqar Mamin Ekologiia jáne tabiǵi resýrstar ministrligi qabyldap jatqan sharalardy qoldaityndaryn aitty, dep habarlaidy "Ult aqparat".
«Biyldyń ózinde tiisti memlekettik organdar men ákimdikter ormandy qalpyna keltirý jáne aǵash ósirý kólemin ulǵaitýǵa baǵyttalǵan daiyndyq jumystaryn júrgizip jatyr. Josparlanǵan is-sharalardyń kelesi jyly ýaqtyly iske asyrylýyn qamtamasyz etý qajet. Jalpy Ekologiia jáne tabiǵi resýrstar ministrligi qabyldap jatqan sharalardy qoldaimyz», - deidi QR Premer-Ministri Asqar Mamin.
Ol Úkimet otyrysyna qatysqandarǵa birqatar tapsyrma berdi.
«Birinshi, alǵa qoiylǵan mindetterdi iske asyrý orman pitomnikteriniń aýmaǵyn ulǵaitý men ósirilgen otyrǵyzý materialynyń kólemin ulǵaitý, arnaiy tehnikany satyp alý jáne qarjylai qamtamasyz etý jónindegi is-sharalardy uiymdastyrýdy talap etedi. Osyǵan bailanysty Ekologiia, Aýyl sharýashylyǵy, Indýstriia, Qarjy ministrlikterine óńirlerdiń ákimdikterimen birge eki ai merzimde Ormandardy qalpyna keltirýdiń jáne aǵash ósirýdiń keshendi josparyn ázirleýdi tapsyramyn.
Ekinshi, orman qoryn ulǵaitý jáne eldi mekenderde aǵash otyrǵyzý olardy saqtap qalýǵa turǵyndar men atqarýshy organdardyń jaýapkershilikpen qaraýyn talap etedi. Bul jasyl kóshetterdiń jai-kúii men paidalanylýyn monitoringteý jáne túgendeý jóninde sharalar qabyldaýy qajet.
Úshinshi, aǵashtardy zańsyz keskeni úshin jazalaýdy qatańdatý bóliginde zańnamany jetildirý jónindegi sharalar aldaǵy ýaqytta turǵyndardyń olardy qatań saqtaýyn jáne osy máseleni memlekettik organdardyń úilestirýin talap etedi», - deidi ol.
Ol óńirlerdiń ákimdikterine Ekologiia, Indýstriia ministrlikterimen birge qabyldanatyn zańnamalyq túzetýler men zańǵa táýeldi aktilerdiń ýaqtyly ári sapaly iske asyrylýyn qamtamasyz etýdi tapsyrdy. Sonymen qatar, óńirlerdiń ákimdikteri tiisti orman qorǵaý qyzmetteriniń materialdyq-tehnikalyq jáne kadrlyq qamtamasyz etý sharalaryn qabyldaýy qajet ekenin aitty.
