Premer-Ministr Asqar Mamin Aýyl sharýashylyǵy ministrligi men ákimdikterge elimizdiń batysy men ońtústigindegi óńirlerdi jem-shóp másele boiynsha qoldaýdy tapsyrdy, dep habarlaidy "Ult aqparat".
Biylǵy jaz erekshe qurǵaq boldy, sonyń saldarynan elimizdiń batysy men ońtústiginde birqatar óńirler zardap shekti. Qurǵaqshylyqtyń saldaryn joiý úshin jedel sharalar qabyldandy. Zardap shekken óńirlerdi jem-shóppen qamtamasyz etý máselelerin sheshý úshin Jergilikti jáne ortalyq atqarýshy organdardyń qyzmetin úilestirý jónindegi respýblikalyq jedel shtab jumys isteýde. Jem-shóp satyp alý úshin Úkimet rezervinen Mańǵystaý jáne Qyzylorda oblystaryna 3,6 mlrd teńge bólindi, jem-shóp daiyndaýǵa qosymsha 43,1 myń tonna arzan dizel otyny bólindi. Soltústik óńirlerden jem-shóp jetkizildi. Batys óńirlerdi jem-shóppen qamtamasyz etý máselesine volonterler de kiristi», - dedi Mamin Úkimet otyrysynda.
Onyń aitýnysha, respýblikadan kesek jem-shópty shyǵarýǵa jáne jemdik astyq eksportyna kvota berýge ýaqytsha tyiym salyndy. Qabyldanǵan sharalardyń arqasynda jem-shóppen qamtamasyz etý máselesi jalpy turaqtandy.
«Aýyl sharýashylyǵy ministrligi men ákimdikter osy baǵyttaǵy jumysty jalǵastyryp, jaǵdaidy erekshe baqylaýda ustaýy qajet», - dedi Úkimet basshysy.
