QR Premer-Ministri Asqar Mamin Qazaqstanǵa jumys saparymen kelgen RF Úkimetiniń Tóraǵasy Mihail Mishýstinmen kelissóz júrgizdi. Kezdesý «Astana» halyqaralyq qarjy ortalyǵynyń (AHQO) alańynda ótti, dep habarlaidy "Ult aqparat" primeminister.kz silteme jasap.
Taraptar saýda-ekonomika, ónerkásiptik kooperatsiia, kólik-logistika, energetika jáne basqa da salalardaǵy yntymaqtastyqty odan ári arttyrý máselelerin talqylady.
Eýraziialyq ekonomikalyq odaq formatyndaǵy ózara is-qimyldyń ózekti máseleleri qaraldy.
Resei – Qazaqstannyń negizgi saýda-ekonomikalyq seriktesi. Osy jyly elder arasyndaǵy saýda-ekonomikalyq yntymaqtastyq serpini birtindep qalpyna keltirilýde. Biylǵy qańtar-maýsym ailarynda ekijaqty taýar ainalymy $10,7 mlrd qurady, bul 2020 jyldyń sáikes kezeńindegi kórsetkishten 27%-ǵa joǵary. Qazirgi dinamika saqtalǵan jaǵdaida, eki el arasyndaǵy saýda kólemi biyl $23 mlrd-tan asýy múmkin.
Qazaqstanda Reseidiń qatysýymen 7791 kásiporyn jáne 3325 Qazaqstan-Resei birlesken kásiporyndary jumys isteidi. Reseilik kompaniialar QR ekonomikasyna salynǵan qarajat kólemi boiynsha basty investorlardyń bestigine kiredi. Sońǵy 10 jylda Resei Qazaqstanǵa shamamen $12,6 mlrd investitsiia saldy. Reseilik kompaniialardyń investitsiialyq portfeli árbir salada derlik bar.
Jalpy somasy $5,3 mlrd quraityn, ónerkásiptik kooperatsiia, saýda, qurylys indýstriiasy, farmatsevtika, munai-himiia jáne jeńil ónerkásip salalaryndaǵy 30 birlesken iri joba iske asyrý jáne pysyqtaý satysynda tur.
Mysaly, «Tatneft»-pen birlesip shina óndirý zaýyty, «KAMAZ» JAQ-pen shoiyn quiý jáne jetekshi beldemelerdiń bas berilisteriniń redýktorlaryn óndirý zaýyty salynyp jatyr jáne t. b.
Osy jyldyń 6 aiynda Qazaqstan men Resei arqyly Ortalyq Aziia, Eýropa, Qiyr shyǵys baǵyttarynda barlyǵy 406,5 myń JFE tasymaldandy, bul 2020 jyldyń sáikes kezeńindegiden 48%-ǵa artyq. Qazaqstan aýmaǵy arqyly konteinerlik tasymaldar kólemi 326,2 myń JFE (+58%) qurady.
Kelissóz qorytyndysy boiynsha eki eldiń úkimet basshylarynyń qatysýymen kelesi birqatar qujatqa qol qoiyldy:
Shyǵys Tarýtin (Qazaqstan Respýblikasy), Tarýtin (Resei Federatsiiasy) ken oryndarynda mys (mys-altyn) kenderin óndirý kezinde shekara mańyndaǵy aýmaqta sharýashylyq qyzmetti júzege asyrý erekshelikteri týraly úkimetaralyq kelisim;
AHFO men Tatarstan Respýblikasy arasyndaǵy yntymaqtastyq jónindegi is-sharalar jospary;
QR Strategiialyq josparlaý jáne reformalar jónindegi agenttigi, AHQO, «Skolkovo» Máskeý basqarý mektebi arasyndaǵy turaqty damý strategiialary jónindegi yntymaqtastyq týraly memorandým;
«Bashqurt soda kompaniiasy» AQ men «Kaýstik» AQ arasyndaǵy yntymaqtastyq týraly bas kelisim;
qaǵazsyz tehnologiia boiynsha «RTJ» AAQ jáne «QTJ» UK» AQ/ «QTJ-JT» JShS qatysýymen júkter men vagondardy tasymaldaýǵa kóshýdi jandandyrý jónindegi jol kartasy;
«QTJ» UK» AQ men «RTJ» AAQ arasyndaǵy temir jol kóligimen agroónerkásiptik ónimderdi tasymaldaýdy uiymdastyrý salasyndaǵy yntymaqtastyq týraly memorandým.
QR Premer-Ministri A. Mamin men RF Úkimetiniń Tóraǵasy M. Mishýstin Qazaqstan Úkimetiniń Tsifrlyq keńsesiniń jumysymen, halyq pen kásipkerlik sýbektilerine memlekettik qyzmetterdi tsifrlandyrý salasynda iske asyrylyp jatqan jobalarmen, sondai-aq AHQO qyzmetimen tanysty.
