QR Premer-Ministri Asqar Maminniń tóraǵalyǵymen ótken QR Úkimetiniń selektorlyq otyrysynda memlekettik-jekeshelik áriptestikti (MJÁ) damytý máseleleri qaraldy, dep habarlaidy "Ult aqparat".
Atqarylyp jatqan jumystar týraly QR ulttyq ekonomika ministri R. Dálenov, QR indýstriia jáne infraqurylymdyq damý ministri B. Atamqulov, QR densaýlyq saqtaý ministri E. Birtanov, QR bilim jáne ǵylym ministri A. Aimaǵambetov, Qaraǵandy oblysynyń ákimi J. Qasymbek, Aqmola oblysynyń ákimi E. Marjyqpaev, Premer-Ministrdiń birinshi orynbasary – qarjy ministri Á. Smaiylov baiandady.
Biylǵy 1 qazandaǵy jaǵdai boiynsha 1,6 trln teńge somasyna 615 MJÁ kelisimsharty jasaldy, onyń ishinde 551,5 mlrd teńge investitsiia tartyldy, onyń ishinde respýblikalyq jobalar boiynsha – 339,5 mlrd teńge, jergilikti jobalar boiynsha – 212 mlrd teńge. Jobalardy josparlaý men daiyndaýdyń túrli kezeńderinde 1,9 trln teńge somasyna 638 joba bar.
472 mlrd teńgege jýyq somaǵa 547 MJÁ nysany paidalanylý satysynda, onyń ishinde 541 – 288,4 mlrd teńge somasyna jergilikti mańyzdaǵy, 6 – 183,6 mlrd teńge somasyna respýblikalyq mańyzdaǵy.
1091 mlrd teńge somasyna 68 nysan iske asyrylý satysynda (investitsiialyq kezeń), onyń ishinde 65-i – 365 mlrd teńge somasyna jergilikti mańyzdaǵy jáne 3-i – 725,9 mlrd teńge somasyna respýblikalyq mańyzdaǵy: Úlken Almaty ainalma avtomobil joly (ÚAAAJ), aýyldyq eldi mekenderdi internetke keńjolaqty qoljetimdilikpen qamtamasyz etý, áýe jolaýshylary týraly málimetterdi jinaý júiesi.
Densaýlyq saqtaý salasynda 3 jylda jergilikti atqarýshy organdar jalpy somasy 58,9 mlrd teńgege 127 MJÁ kelisimshartyn jasady. Tek 2019 jyly 23,5 mlrd teńge somasyna 21 kelisimshart jasaldy. 2019 jyldan 2024 jyl aralyǵynda MJÁ aiasynda respýblikalyq deńgeide 838,5 mlrd teńge somasyna 16 iri aýrýhana salý josparlanǵan, onyń ishinde qazirge deiin 7 jobany iske asyrý bastaldy.
Bilim berý salasynda 243 mlrd teńge somasyna 558 MJÁ jobasy iske asyrylyp jatyr. Biyl qańtar aiynan bastap 98 jekemenshik mektep jan basyna shaqqandaǵy qarjylandyrý qaǵidaty boiynsha 6 mlrd teńge somasyna memlekettik tapsyrys alady. 2019-2020 oqý jylynyń basyna 47 jańa jekemenshik mektep ashyldy. Jyl sońyna deiin taǵy 13 jańa jekemenshik mektep ashylady. 70 jobada stýdentterge arnalǵan jataqhanalar ashý qarastyrylǵan.
Úkimet basshysy oń dinamikany atap ótip, MJÁ damytý boiynsha jumystardy jandandyrýdy tapsyrdy.
«MJÁ damytý – Úkimet jumysynyń basym baǵyttarynyń biri. Asa mańyzdy jobalar kólik jáne infraqurylym, energetika jáne TKSh, bilim berý, densaýlyq saqtaý siiaqty sektorlarda iske asyrylyp jatyr», — dedi A. Mamin.
Premer-Ministr iri infraqurylymdyq jobalardy iske asyrýdy jalǵastyrýdy tapsyrdy, onyń ishinde kólik jáne energetikalyq, TKSh salasynda, bul maqsatta MJÁ damytýdyń ozyq halyqaralyq tájiribesin eskerýmen zańnamaǵa qajetti ózgeristerdi pysyqtaý kerek.
Úkimet basshysy múddeli memlekettik organdarǵa Ulttyq ekonomika ministrligimen birlesip, jetekshilik etetin salalarda MJÁ damytý boiynsha Jol kartalaryn ázirleýdi tapsyrdy. Olardyń oryndalý barysy Úkimettiń Jobalyq keńsesiniń otyrystarynda tyńdalatyn bolady.
«Jalpy, bizge elimizdiń turaqty áleýmettik-ekonomikalyq damýyn qamtamasyz etý maqsatynda memleket pen jekemenshik áriptestiktiń tiimdi ózara is-qimylyn jolǵa qoiý qajet», — dep túiindedi A. Mamin.
