Shekaralas óńirlerdiń ákimderi sanitarlyq-epidemiologiialyq normalardyń qatań saqtalýyn qamtamasyz etýi tiis. Bul týraly Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Jalpy epidemiologiialyq ahýal baqylaýda. Degenmen kórshi elderde jaǵdaidyń qiyndaǵanyn kórip otyrmyz. Sondyqtan óńirlerdiń, ásirese shekaralas óńirlerdiń ákimderi sanitarlyq-epidemiologiialyq normalardyń qatań saqtalýyn qamtamasyz etsin, naýqastaný deńgeiine naqty monitoring júrgizý jáne jedel sharalar qabyldap otyrý qajet», - dedi Asqar Mamin.
Sonymen qatar Úkimet basshysy monitoringtik toptardyń jumysyn jandandyrý qajettigin basa aitty.
«Densaýlyq saqtaý ministrligi memlekettik shekarada epidemiologiialyq baqylaýdy kúsheitsin», - dedi Premer-Ministr.
