Koronavirýs qaýpiniń artýyna bailanysty memlekettik shekarada baqylaýdy kúsheitý kerek. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Jalpy sanitariialyq-epidemiologiialyq jaǵdai baqylaýda. Aýrýhanalardaǵy oryndardyń júktemesi 25 paiyz jáne jansaqtaý bólimderinde 21 paiyzdy qurap otyr. Elorda - «qyzyl» aimaqta, virýs juqtyrǵandar sany azaimai tur. Bul elordada qabyldanyp jatqan sharalardyń jetkiliksiz ekenin jáne vaktsina salý qarqyny tómen ekenin kórsetedi. Jalpy óńirlerdiń basym bóligi - «jasyl» aimaqta, 5 óńir - «sary» aimaqta», - dedi Úkimet basshysy.
Onyń dereginshe, búgingi kúni 2,8 millionnan astam adam birinshi komponentti, 1,7 millionnan astam adam ekinshi komponentti saldyrdy.
«Ózderińizge belgili, elordada koronavirýstyń «delta» shtamyna tán mýtatsiianyń yqtimaldyǵy anyqtalyp otyr. Onyń taralý jyldamdyǵy óte joǵary, jyldam órshidi jáne saldary anaǵurlym aýyr. Osy rette búgin Vedomstvoaralyq komissiianyń otyrysyn ótkizýdi jáne Nur-Sultan qalasyndaǵy sanitariialyq-epidemiologiialyq talaptardy qatańdatý boiynsha is-sharalardy qabyldaýdy tapsyramyn», - dedi Premer-Ministr.
Asqar Maminniń atap ótýinshe, qazirgi tańda jalpy Qazaqstandaǵy jaǵdai qalypty bolǵanymen, kórshi memleketterdegi jaǵdai kúrdeli kúiinde qalyp otyr.
«Sondyqtan memlekettik shekarada baqylaýdy kúsheitý kerek. Osy rette sanitariialyq - epidemiologiialyq talaptardyń qatań saqtalýyna jáne vaktsinatsiia qarqynyń ósirýge basa nazar aýdarý qajet», - dedi Úkimet basshysy.
